ବାଉଁଶୁଣୀ,୨।୪(ଡି.ଏନ୍.ଏ.): ଶୁକ୍ରବାର ସକାଳେ ବୌଦ୍ଧ ଜିଲା ମନମୁଣ୍ଡା କଣ୍ଟାମାଳ ରାସ୍ତାର କପାସିରା ଛକ ନିକଟ ରାସ୍ତା କଡ଼ରେ ଗୋଟିଏ କାର୍ରେ ନିଆଁ ଜଳୁଥିବା ଦେଖିବାକୁ ମିଳିଥିଲା।ଲୋକେ ଦମକଳ ବାହିନୀକୁ ଖବର ଦେବା ପରେ ନିଆଁକୁ ଆୟତ୍ତ କରାଯାଇଥିଲା l
ମିଳିଥିବା ସୂଚନା ଅନୁଯାୟୀ, ଆଜି ସକାଳେ କପାସିରା ଛକ ନିକଟ ରାସ୍ତା କଡ଼ରେ ଗୋଟିଏ ଇଣ୍ଡିଗୋ ସିଏସ୍ କାର୍ ଓ.ଆର. ୧୭ ଜେ ୮୦୮୬ରେ ନିଆଁ ଜଳୁଥିବା ଦେଖିବାକୁ ମିଳିଥିଲା l କାର୍ ପାଖରେ କେହି ଯାତ୍ରୀ ନ ଥିବା ହେତୁ ଅଗ୍ନିକାଣ୍ଡର କାରଣ ଓ ଗାଡ଼ିରେ କିଏ ଥିଲେ ସ୍ପଷ୍ଟ ହୋଇ ପାରିନାହିଁ। ଗାଡ଼ିରେ ଚୋରା ଚାଲାଣ ହେଉଥିବା ସ୍ଥାନୀୟ ଲୋକେ କହୁଛନ୍ତି l କୌଣସି କାରଣରୁ ଗଞ୍ଜେଇ ମାଫିଆମାନେ ନିଆଁ ଲଗାଇ ଦେଇଥିବା ଆଲୋଚନା ହେଉଛି। ଘଟଣାସ୍ଥଳରେ ମନମୁଣ୍ଡା ପୋଲିସ ଓ ଅବକାରୀ ବିଭାଗ ପହଞ୍ଚି ତଦନ୍ତ ଆରମ୍ଭ କରିଥିବା ଜଣାପଡ଼ିଛି।
