ବାଙ୍କୀ,୯।୧: ଘନ କୁହୁଡି ଯୋଗୁ ଜନ ଜୀବନ ଅସ୍ତବ୍ୟସ୍ତ ହୋଇଯାଇଛି। ଦିନ ୯ଟା ଯାଏ ରାସ୍ତାଘାଟ ଭଲ ଭାବେ ଦେଖାଯାଉ ନାହିଁ। ଏହି ଘନ କୁହୁଡିରେ ଅନେକ ଦୁର୍ଘଟଣା ଘଟୁଥିବା ବେଳେ ମଙ୍ଗଳବାର କଟକ ଜିଲା ଯାତମୁଣ୍ଡିଆ ଛକ ନିକଟରେ ବନ୍ଧ ତଳକୁ ଏକ କାର ଖସିଯାଇଛି। ତେବେ ଏହି ଦୁର୍ଘଟଣାରେ କାର ଚାଳକ ଅଳ୍ପକେ ବର୍ତ୍ତି ଯାଇଛନ୍ତି।
କାରରେ କେବଳ ଚାଳକ ଏକାଥିଲେ। ସେ ଭୁବନେଶ୍ୱରରୁ ଦେବଗଡ଼ ଯାଉଥିଲେ। ଘନ କୁହୁଡିରେ ରାସ୍ତା ଜାଣି ନ ପାରି ଅନ୍ୟମନସ୍କ କାରଣରୁ ବନ୍ଧ ତଳକୁ କାର ଖସି ଯାଇଥିଲା। ସ୍ଥାନୀୟ ଲୋକଙ୍କ ସାହାଯ୍ୟରେ ଜେସିପି ଦ୍ୱାରା ରାସ୍ତା ତଳୁ ଉପରକୁ ଗାଡ଼ିକୁ କଢ଼ାଯାଇଥିଲା।