ଭୁବନେଶ୍ୱର,୪।୧୧(ବ୍ୟୁରୋ): ଭୁବନେଶ୍ୱର ଉପକଣ୍ଠ ପୁରୀ କେନାଲରେ ବୁଧବାର ରାତିରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି। କେନାଲରେ ଏକ କାର୍ ଖସି ପ଼ଡିଥିବା ଯୋଗୁ କାର୍ରେ ଥିବା ୨ ଜଣ ଯୁବକଙ୍କ ପତ୍ତା ମିଳିନାହିଁ । ତେବେ ଏଯାଏ ସେମାନଙ୍କର କୌଣସି ଖୋଜ ଖବର ମିଳି ପାରିନାହିଁ।
ସୁଚନାନୁସାରେ, ବୁଧବାର ମଧ୍ୟରାତିରେ ଦୁଇଟି କାର୍ ଶିବଶକ୍ତିନଗରକୁ ଯାଉଥିଲା । ତେବେ ପୁରୀ ମୁଖ୍ୟ କେନାଲରେ ଗୋଟିଏ କାର୍ ଭାରସାମ୍ୟ ହରାଇ ଖସିଯାଇଥିଲା । ଏହା ଦେଖି ଅଗ୍ନିଶମ ବାହିନୀକୁ ଖବର ଦିଆଯାଇଥିଲା। ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି କ୍ରେନ ଯୋଗେ କେନାଲରୁ କାର୍ଟିକୁ ଉଠାଇଥିଲେ।