ଭଦ୍ରକ ଅଫିସ,୪ା୭: ଆରଟିଓ ଏବଂ ପୋଲିସ ବିଭାଗର ଅଜବ ନିୟମ। ଦୀର୍ଘ ତିନି ମାସ ଧରି ଘରେ ଥିବା ଏକ କାର୍ ଉପରେ ଲାଗିଛି ୩ ହଜାର ଟଙ୍କା ଫାଇନ୍। ଯାହାକୁ ନେଇ ଏବେ ଚିନ୍ତାରେ କାର୍ ମାଲିକ।
ସୂଚନାନୁଯାୟୀ, ଭଦ୍ରକ ଜିଲା ତିହିଡ଼ି ବ୍ଲକ ଗୁଆମାଳ କୁବେରା ଗ୍ରାମରେ ରହୁଥିବା ସହିଦ ନଗର କଲେଜର ଅଧ୍ୟାପକ ପ୍ରଦୀପ କୁମାର କରଙ୍କ ଏକ କାର୍ ଯାହାର ନମ୍ବର ଓଡି-୨୨ପି ୫୨୧୯ ଦୀର୍ଘ ତିନି ମାସ ଧରି ଘରୁ ପଦାକୁ ବାହାରିନି। ହେଲେ ଗତ ୨୫ ତାରିଖରେ ଏକ ମେସେଜ୍ ଯୋଗେ ପ୍ରଦୀପ କର ଜାଣିବାକୁ ପାଇଲେ ତାଙ୍କ କାର୍ ଉପରେ ସିଟ୍ ବେଲ୍ଟ ଓ ଅନ୍ୟାନ୍ୟ କାରଣ ପାଇ ୩ ହଜାର ଟଙ୍କାର ଫାଇନ କାଟିଛି ପୋଲିସ। ତେବେ ପୋଲିସ କିଭଳି ଓ କାହିଁକି ଏହି ଫାଇନ କାଟିଲା ତାକୁ ନେଇ ଏବେ ଚିନ୍ତାରେ ଅଧ୍ୟାପକ ପ୍ରଦୀପ କର। ସେପଟେ ପୋଲିସ ଓ ଆରଟିଓ ବିଭାଗର ଖାମଖିଆଲ ମନୋଭାବ ଯୋଗୁ ଏଭଳି ଫାଇନ ଲାଗିଥିବା ଅଭିଯୋଗ ଆଣିବା ସହିତ ଘରେ ରହିଥିବା କାର୍ ଉପରେ ଫାଇନ କରିବା କିପରି ସମ୍ଭବ ହୋଇପାରିଲା ଏହାର ଯାଞ୍ଚ ପାଇଁ ଜିଲାପାଳ ଏସ୍ପି ଓ ଆରଟିଓଙ୍କୁ ଟୁଇଟ୍ କରିଛନ୍ତି ଅଧ୍ୟାପକ ପ୍ରଦୀପ କର।