ଉମରକୋଟ,୩୦ା୬(ସନ୍ତୋଷ ଶତପଥୀ): ନବରଙ୍ଗପୁର ଜିଲା ଉମରକୋଟ ବାସିନୀ ଛକରେ ଭାରସାମ୍ୟ ହରାଇ ଗଛକୁ ଏକ କାର୍ ପିଟିହେବାରୁ ଏହି ଦୁର୍ଘଟଣାରେ ୩ ଜଣଙ୍କ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ହୋଇଛନ୍ତି। ଗୁରୁତରଙ୍କୁ ନବରଙ୍ଗପୁର ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି। ଗୁରୁବାର ବିଳମ୍ବିତ ରାତିରେ ଦୁର୍ଘଟଣା ଘଟିଛି। ତେବେ କାର୍ଟି ଜଗଦଲପୁର ଯାଇ ଫେରୁଥିବା ବେଳେ ଉମରକୋଟ ବ୍ଲକ ବାସିନୀଠାରେ ଭାରସାମ୍ୟ ହରାଇ ଏକ ଗଛକୁ ପିଟି ଦେଇଥିଲା। ଫଳରେ କାର୍ରେ ଥିବା ରାଇଘର ବ୍ଲକ ସନପୁର ଗ୍ରାମର ଗୌରାଙ୍ଗ ରାୟ, ଉମରକୋଟ ବ୍ଲକ ଅଞ୍ଚଳା ଗ୍ରାମର ସତ୍ୟରଞ୍ଜନ ବେପାରୀ, ତରୂଲତା ବେପାରୀ ରହିଥିଲେ। ଉମରକୋଟ ପୋଲିସ, ଅଗ୍ନିଶମ ବାହିନୀ ପହଞ୍ଚି ସମସ୍ତଙ୍କୁ ଉଦ୍ଧାର କରି ଉମରକୋଟ ମେଡିକାଲରେ ପହଞ୍ଚାଇଥିଲେ କିନ୍ତୁ ଡକ୍ଟର କାର ଡ୍ରାଇଭର ସୁରେଶ ମଣ୍ଡଳ, ସତ୍ୟରଞ୍ଜନ ବେପାରୀ, ଗୌରାଙ୍ଗ ରାୟ ଓ ତିନି ଜଣଙ୍କୁ ମୃତ ଘୋଷଣା କରିଥିଲେ। ତରୂଲତାଙ୍କୁ ପ୍ରାଥମିକ ଚିକିତ୍ସା ପରେ ନବରଙ୍ଗପୁର ସ୍ଥାନାନ୍ତର କରାଯାଇଛି। ଘଟଣାର ତଦନ୍ତ ଆରମ୍ଭ କରିଛି ପୋଲିସ।