ଆପଣ ନିଶ୍ଚିତ ଭାବରେ ଟ୍ରେନ୍ କିମ୍ବା ସଡ଼କ ଦୁର୍ଘଟଣାର ଅନେକ ଭିଡିଓ ଦେଖିଥିବେ। କିନ୍ତୁ ଆଜି ଏମିତି ଏକ ଭିଡିଓ ଦେଖାଇବୁ ଯାହା ଦେଖି ଆଶ୍ଚର୍ଯ୍ୟ ହୋଇଯିବେ। ଏହି ଭିଡିଓଟି ଚାଇନାରୁ ଆସିଛି। ଏକ ଟ୍ରକ କାର୍କୁ ରେଳଟ୍ରାକ୍ ମଧ୍ୟକୁ ଧକ୍କା ଦେଇଥିଲା। ଏହି ଭୟଙ୍କର ଦୃଶ୍ୟ ଦେଖିଲେ ଲୋମ ଟାଙ୍କୁରି ହୋଇଉଠିବ।
ଏହି ଭିଡିଓର ପ୍ରତ୍ୟେକ ଫ୍ରେମ୍ ଦେଖିବାକୁ ମିଳିଛି। ଏକ ରେଳ କ୍ରସିଂରେ ଟ୍ରେନ୍ ପହଞ୍ଚିବାକୁ ଯାଉଛି। ତେଣୁ ସୁରକ୍ଷାକୁ ଧ୍ୟାନରେ ରଖି ଗେଟ୍ ବନ୍ଦ ରହିଛି। ଗେଟ୍ ପଡ଼ିବା ପୂର୍ବରୁ ଏକ କାର୍ ଅତିକ୍ରମ କରିବା ସମୟରେ ପଛରୁ ଆସୁଥିବା ଟ୍ରକ୍ ଗେଟ୍ ଭାଙ୍ଗି କାର୍କୁ ଆଗକୁ ଠେଲି ଦେଇଥିଲା। ଫଳରେ କାର୍ଟି ଟ୍ରାକ୍ ମଧ୍ୟକୁ ଚାଲିଯାଇଥିଲା। ସଙ୍ଗେ ସଙ୍ଗେ କାର୍ରେ ଯାଉଥିବା ଜଣେ ବ୍ୟକ୍ତି ବାହାରକୁ ଆସି ଟ୍ରକ୍ ଚାଳକଙ୍କୁ ତାଗିଦ କରୁଥିବାର ଦେଖିବାକୁ ମିଳେ। ଏହି ସମୟରେ ଟ୍ରେନ୍ଟି ପଛରୁ ଆସିଯାଇଥାଏ। କିନ୍ତୁ ସେତେବେଳେ କାର୍ର ଡ୍ରାଇଭର ତାଙ୍କ ଗାଡ଼ିକୁ ଟିକିଏ ଆଗକୁ ନେଇଯାଇଥିଲେ। ଫଳରେ ଜୀବନ ରକ୍ଷା ହୋଇଯାଇଥିଲା।
ଘଟଣାର ପୂରା ଦୃଶ୍ୟ ସିସିଟିଭିରେ କଏଦ ହୋଇଛି। ଅନେକ ୟୁଜର ପ୍ରଶ୍ନ କରିଛନ୍ତି, ଟ୍ରକ୍ ଡ୍ରାଇଭର କାହିଁକି କାର୍କୁ ପ୍ରଥମେ ଟ୍ରାକ ମଧ୍ୟକୁ ଠେଲି ଦେଲେ। ଆଉ ଜଣେ ୟୁଜର ଲେଖିଛନ୍ତି, ‘ମୋର ଅନୁମାନ ହେଉଛି ଟ୍ରକ୍ର ବ୍ରେକ୍ ଫେଲ୍ ହୋଇଥିଲା। ଆଉ କିଛି ୟୁଜର ଲେଖିଛନ୍ତି, ସୌଭାଗ୍ୟ ବଶତଃ କାର୍ ଚାଳକ ବଞ୍ଚିଗଲେ। ଭିଡିଓଟି ଅଧିକରୁ ଅଧିକ ଭାଇରାଲ ହେବାରେ ଲାଗିଛି।
