ଆରଡି,୨୧।୧୧(ଡି.ଏନ୍.ଏ.): ଭଦ୍ରକ ଜିଲା ଧୂଷୁରୀ ଥାନା ଓ ଆରଡି ଫାଣ୍ଡି ଅନ୍ତର୍ଗତ ଓଳଗ ନିକଟରେ ଏକ ଗୋରୁ ବୋଝେଇ ଡାଲା ଅଟୋକୁ ରବିବାର ପୋଲିସ ଜବତ କରିଛି । ଏଥି ସହିତ ୫ଟି ଗୋରୁଙ୍କୁ ଗୋଶାଳାକୁ ପଠାଇବାର ବ୍ୟବସ୍ଥା କରିଛି। ସୂଚନା ଅନୁସାରେ, ଡାଲା ଅଟୋ ଡ୍ରାଇଭର ଗୋରୁ ଗାଡି ନେଇ ଦ୍ରୁତ ଗତିରେ ଯାଉଥିବା ବେଳେ ଯାଜପୁର ଜିଲା ମଙ୍ଗଳପୁର ଅଞ୍ଚଳର ୩ ଜଣ ଯୁବକ ଗାଡିକୁ ଓଳଗ ନିକଟରେ ଅଟକାଇ ପୋଲିସକୁ ଖବର ଦେଇଥିଲେ । ଏଥିସହିତ ଗାଡିରୁ ସମସ୍ତ ଗୋରୁକୁ ଉଦ୍ଧାର କରିଥିଲେ । ଗୋଟିଏ ଗୋରୁ କ୍ଷତ ବିକ୍ଷତ ହୋଇଥିବାରୁ ପଶୁଡାକ୍ତର ଡାକି ଚିକିତ୍ସା କରାଇଥିଲେ । ଉଦ୍ଧାର କରିଥିବା ଯୁବକ ମାନେ ଗୋସୁରକ୍ଷା ସମିତିର ସଭ୍ୟ ଅଟନ୍ତି। ଧୂଷୁରୀ ଥାନା ସବ୍ଇନିସପେକ୍ଟର୍ ମହାପ୍ରସାଦ ନାୟକ, ଏଏସ୍ଆଇ ଧୃତରାଷ୍ଟ୍ର ମଲ୍ଲିକ, ଆରଡି ଫାଣ୍ଡି ଅଧିକାରୀ କୁଳମଣି ପାତ୍ର ଘଟଣାସ୍ଥଳରେ ପହଞ୍ଚି ସଂପୃକ୍ତ ଡାଲା ଅଟୋକୁ ଜବଦ କରିବା ସହ ଗାଡ଼ି ଡ୍ରାଇଭର ପନ୍ଦରବାଟିଆର ଜନୈକ ଯୁବକକୁ ଗିରଫ କରିଛନ୍ତି । ଗୋରୁ ଗୁଡିକୁ ଭଦ୍ରକ ଜିଲା ଗୋଶାଳାରେ ଛଡା ଯିବାକୁ ଉଦ୍ୟମ ଜାରି ରହିଛି । ଏ ସଂକ୍ରାନ୍ତରେ ଧୂଷୁରୀ ଥାନାରେ କେସ ନଂ. ୨୮୧/୨୧ରେ ମାମଲା ରୁଜୁ କରାଯାଇଛି।