ବିଲେଇକୁ ବଡ଼ ବିଚିତ୍ର ଜୀବ କୁହାଯାଏ। ଏଥିପାଇଁ କୁହାଯାଏ କି ଏହା ନିଜ ମାଲିକର ମଧ୍ୟ ନୁହେଁ। ଆଜି ଏମିତି ଏକ ବିଲେଇର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି, ଯାହା ଦେଖିଲେ ହସିହସି ଗଡ଼ିଯିବେ।
@TheReal_Jassi ନାମକ ଏକ ‘ଏକ୍ସ’ ପେଜ୍ରେ ଭିଡିଓଟି ଶେୟାର କରାଯାଇଛି। ଏଥିରେ ଏକ ବିଲେଇ ରାସ୍ତାରେ ଝୁଲିଝୁଲି ଆସୁଥିବା ଦେଖିବାକୁ ମିଳିଛି। ବିଲେଇର ଚାଲି ଦେଖିଲେ ଲାଗୁଛି, ଯେମିତି ନିଶାରେ ଚୂର୍। କାରଣ ଏହା ସିଧା ଚାଲିପାରୁନାହିଁ। ମଦ ଦୋକାନ ଆଗରେ ରଖାଯାଇଥିବା ଗାଡ଼ିରେ ତାମିଲନାଡୁର ନମ୍ବର ରହିଛି। ଯେଉଁଥିରୁ ଜଣାପଡୁଛି ଏହା ତାମିଲନାଡୁର ଥଞ୍ଜାବୁର ଜିଲାର ଭିଡିଓ।
ଭାଇରାଲ ଭିଡିଓରେ ଦେଖିବାକୁ ମିଳିଛି, ଏହା ଗ୍ରାମୀଣ ଅଞ୍ଚଳର। ପଛପଟରେ ଏକ ମଦ ଦୋକାନ ରହିଛି। ଏହା ନିକଟରେ କିଛି ଲୋକ ମଧ୍ୟ ଠିଆ ହୋଇଛନ୍ତି। ଏହି ସମୟରେ ଏକ ଧଳା ରଙ୍ଗର ବିଲେଇ ଅଙ୍କେଇ ବଙ୍କେଇ ଚାଲୁଛି। କିଛି ଲୋକ ବିଲେଇ ମଦ ପିଇଥିବା କହୁଥିବା ବେଳେ ଆଉ କିଛି ଲୋକ କହିଛନ୍ତି ଏହା ବିଲେଇର ଏକ ରୋଗ। ଯେଉଁ କାରଣରୁ ସେ ଏପରି ଚାଲୁଛି। ସେ ଯାହା ବି ହେଉନା କାହିଁକି ମଦ ଦୋକାନ ସାମ୍ନାରେ ବିଲେଇର ଏପରି ଚାଲିଦେଖି ଲୋକେ ଖୁବ୍ ମଜାଳିଆ କମେଣ୍ଟ ଦେଇଛନ୍ତି। ଜଣେ ୟୁଜର କହିଛନ୍ତି, ଚାବି ବାହାର କର, ଗାଡ଼ି ଆଜି ତୁମର ଭାଇ। ଆଉ ଜଣେ କହିଛନ୍ତି, ଏମିତି ଲୋକଙ୍କୁ ଲାଜ ନାହିଁ, ଯିଏ ନିରୀହ ଜୀବ ବିଲେଇକୁ ମଦ ପିଆଇଛନ୍ତି। ଭିଡିଓଟି ଖୁବ୍ମାତ୍ରାରେ ଭାଇରାଲ ହେଉଛି।