ସାଧାରଣତଃ କୁହାଯାଏ, ପୃଥିବୀ ଉପରକୁ କିଛି ବିପତ୍ତି ଆସିଲେ ମଣିଷମାନଙ୍କ ପୂର୍ବରୁ ପଶୁପକ୍ଷୀଙ୍କୁ ଜଣାପଡ଼ିଥାଏ। ଏବେ ଏମିତି କିଛି ଘଟିଛି ଅଷ୍ଟ୍ରେଲିଆରେ। ଯେଉଁଠି ଏକ ବିଲେଇ ଭୂକମ୍ପ ଆସିବା ପୂର୍ବରୁ ଜାଣି ପାରି ଜଣେ ମହିଳାଙ୍କୁ ସତର୍କ କରିବା ସହ ସେହି ସ୍ଥାନ ଛାଡ଼ି ଚାଲି ଯାଇଥିଲା।
ଅଷ୍ଟ୍ରେଲିଆର ମେଲବର୍ନ ସହରରେ ଏକ ବିଲେଇ ଭୂକମ୍ପ ଆସିବା ପୂର୍ବରୁ ଭବିଷ୍ୟବାଣୀ କରିଛି। ଏହି ଭୂକମ୍ପ ପୂରା ଅଷ୍ଟ୍ରେଲିଆକୁ ଦୋହଲାଇ ଦେଇଛି।
Not a joke: the earthquake started as I was filming Carol playing with her new floppy fish toy. You can see her notice something’s happening here before I do. I am a dumb woman who thought for a sec *this toy was making the floor shake*. pic.twitter.com/Z3BTPEN0Pl
— Brodie Lancaster (@brodielancaster) September 21, 2021
ସେପ୍ଟେମ୍ବର ୨୨ରେ ଟୁଇଟର ପେଜ୍ରେ ଏକ ଭିଡିଓ ଶେୟାର କରାଯାଇଛି। କ୍ୟାରେଲ ନାମକ ଏକ ଧଳା ବିଲେଇ ଏକ ଖେଳନା ମାଛ ସହିତ ଖେଳୁଥିଲା। ଏହି ସମୟରେ ବିଲେଇଟି ଭୂକମ୍ପ ଅନୁଭବ କରିଥିଲା। ହଠାତ୍ ସେ ସତର୍କ ହୋଇଯାଇଥିଲା। ସଙ୍ଗେ ସଙ୍ଗେ ସେହି ସ୍ଥାନଟି ଛାଡ଼ି ବିଲେଇ ଚାଲିଯାଇଥିଲା। ବିଲେଇର ମାଲିକାଣୀ କୁହନ୍ତି, ବିଲେଇ ଶାନ୍ତ ହୋଇ କିଛି ସମୟ ଗେଟ୍ ଉପରେ ଯାଇ ବସି ଯାଇଥିଲା। ଏହାର କିଛି ସମୟ ପରେ ଭୂକମ୍ପର ଝଟ୍କା ଲାଗିଥିଲା।
ବିଲେଇର ମାଲିକାଣୀ ବ୍ରୋଡି ଲ୍ୟାନ୍କାଷ୍ଟର ସୋସିଆଲ ମିଡିଆରେ ଏକ ଭିଡିଓ ଶେୟାର କରି କହିଛନ୍ତି, ଏହା କୌଣସି ମଜା ନୁହେଁ, ଭୂକମ୍ପ ସେତେବେଳେ ଆରମ୍ଭ ହୋଇଥିଲା; ଯେତେବେଳେ କ୍ୟାରେଲ ଖେଳନା ମାଛଟିକୁ ଫିଙ୍ଗି ଦେଇ ଚୁପ୍ଚାପ୍ ଚାଲିଯାଇଥିଲା।
ଭିଡିଓଟିକୁ ବର୍ତ୍ତମାନ ସୁଦ୍ଧା ୧୮୦୦ରୁ ଅଧିକ ଲୋକ ଦେଖିସାରିଥିବା ବେଳେ ଅନେକ ୟୁଜର କମେଣ୍ଟ ମଧ୍ୟ ଦେଇଛନ୍ତି। ଜଣେ ୟୁଜର ଲେଖିଛନ୍ତି, ଏହି ଭୂକମ୍ପରେ ମୋ’ ବିଛଣା ଥରି ଉଠିଥିଲା। ଗୋଟିଏ ଘଣ୍ଟା ଭିତରେ ଅଷ୍ଟ୍ରେଲିଆରେ ୩ଥର ଭୂକମ୍ପ ହୋଇଥିଲା। ବିଲେଇର ଭବିଷ୍ୟବାଣୀ ଯୋଗୁ ମାଲିକାଣୀ ବି ବେଶ୍ ସତର୍କ ହୋଇଯାଇଥିଲେ।
