ସାଲେପୁର,୧୮।୮(ଡି.ଏନ୍.ଏ.): ଚିତ୍ରୋତ୍ପଳା ନଦୀ ବନ୍ୟାଜଳରେ ଭାସି ଆସିଥିବା ଗୋରୁ ଲୋକମାନଙ୍କୁ ଆକ୍ରମଣ କରୁଛନ୍ତି। ସେମାନେ ଲୋକମାନଙ୍କୁ କାମୁଡ଼ି ଗୋଡାଉଛନ୍ତି। ଏହାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଛି। ସୂଚନା ଅନୁଯାୟୀ, ବନ୍ୟାଜଳରେ ଭାସି ଆସିଥିବା ୪ରୁ ୫ଟି ଗୋରୁ ସାଲେପୁର କଲେଜ ନିକଟସ୍ଥ ପଠାରେ ଲାଗିବା ପରେ ସ୍ଥାନୀୟ ଲୋକେ ସେମାନଙ୍କୁ ଉଦ୍ଧାର କରିବାକୁ ଉଦ୍ୟମ କରିଥିଲେ। ହେଲେ ସେହି ଗୋରୁ ଲୋକମାନଙ୍କୁ କାମୁଡ଼ି ଗୋଡ଼ାଇବା ସହ ଆକ୍ରମଣ କରିଥିଲେ। ଏଥିରେ ମାଛୁଆତି ଗ୍ରାମର ସରୋଜ ମଲ୍ଲିକ, ରଙ୍ଗ ମଲ୍ଲିକ, ବାଲିସାହି ପଞ୍ଚାୟତ ନିର୍ବାହୀ ଅଧିକାରୀ କ୍ଷୀରୋଦ ବାରିକ ଆହତ ହୋଇଛନ୍ତି। ରଙ୍ଗ ମଲ୍ଲିକଙ୍କ ଅବସ୍ଥା ଗୁରୁତର ରହିଛି। ସ୍ଥାନୀୟ ସାମାଜିକ କର୍ମୀ ସାବିତ୍ରୀ ପଣ୍ଡା, ବଜରଙ୍ଗ ଦଳ କର୍ମକର୍ତ୍ତାଙ୍କୁ ଏ ସମ୍ପର୍କରେ ଖବର ଦେବା ପରେ ସେମାନେ ମାଛୁଆତି ଗଁାରେ ପହଞ୍ଚତ୍ ସେହି ଗୋରୁଙ୍କୁ ଗୋଶାଳାରେ ଭର୍ତ୍ତି କରିଛନ୍ତି।