କେନ୍ଦୁଝର,୧୧ା୮(ସ୍ବ.ପ୍ର.): କେନ୍ଦୁଝର ଜିଲା ଭୂୟାଁ ଜୁଆଙ୍ଗ ପିଢ଼ ରେଞ୍ଜ ଅନ୍ତର୍ଗତ ସାରୁକୁଦର ଗ୍ରାମ ନିକଟ ପାରାଭାଡି ଜଙ୍ଗଲରେ ମୃତ୍ୟୁ ଘଟିଥିବା ଏକ ମାଈ ହାତୀକୁ ଦେଖିବାକୁ ଡିଏଫ୍ଓ ଅଜିତ୍ ଶତପଥୀ, ଆରସିସିଏଫ୍ ଅରୁଣ କୁମାର ମିଶ୍ର , ଭେଟନାରୀ କଲେଜ, ଭୁବନେଶ୍ୱରର ପାଥଲୋଜି ଡାକ୍ତର ଆଦିତ୍ୟ ଆଚାର୍ଯ୍ୟ, ଆନିମଲ ଡିଜିଜ୍ ରିସର୍ଚ୍ଚ ସଂସ୍ଥାନର ଯୁଗ୍ମ ନିର୍ଦ୍ଦେଶକ ଡ. ପ୍ରଫୁଲ୍ଲ ଦାସ, ନନ୍ଦନକାନନର ଡ. ସନ୍ତୋଷ ଗୁପ୍ତା, ଏଡିଭିଓ କେନ୍ଦୁଝର ଡ. ବିନୟ ଶତପଥୀ ପ୍ରମୁଖ ଉପସ୍ଥିତ ରହି ହାତୀ ମୃତ୍ୟୁର କାରଣ ସମୀକ୍ଷା କରୁଛନ୍ତି। ବ୍ୟବଚ୍ଛେଦ ପରେ କାରଣ ଜଣାପଡ଼ିବ ବୋଲି ସେମାନେ ସୂଚନା ଦେଇଛନ୍ତି। ଏହାକୁ ମିଶାଇ ୪ଟି ମାଈ ହାତୀଙ୍କ ସମାନ ଭାବେ ମୃତ୍ୟୁ ଘଟିଥିବାରୁ ଏହାକୁ ନେଇ ତର୍ଜମା ଆରମ୍ଭ ହୋଇଛି। ପୂର୍ବରୁ ଯାଇଥିବା ମୃତ ହାତୀର ରିପୋର୍ଟ ଅଦ୍ୟାବଧି ଆସି ନ ଥିବା ବେଳେ ହାତୀ ମୃତ୍ୟୁର ସଠିକ୍ କାରଣ ଓ ନିରାକରଣ କରାଯାଇ ପାରୁନାହିଁ। ଏଣୁ ତୁରନ୍ତ ପ୍ରତିକାର କରା ନ ଗଲେ ଆହୁରି ହାତୀ ମରିବା ଆଶଙ୍କା ଦେଖାଦେଇଛି।
