ନୂଆଦିଲ୍ଲୀ: ଆର୍ଥତ୍କ ବର୍ଷ ୨୦୨୦-୨୧ରେ ଅତିରିକ୍ତ ୬.୩ ଲକ୍ଷ କୋଟି ଟଙ୍କା ଖର୍ଚ୍ଚ କରିବା ଲାଗି କେନ୍ଦ୍ର ସରକାର ମଞ୍ଜୁରୀ ଲୋଡ଼ିଛନ୍ତି। ଦ୍ୱିତୀୟ ଏବଂ ଅତିରିକ୍ତ ଖର୍ଚ୍ଚ ଦାବି ଭାବେ ଏହାକୁ ଉପସ୍ଥାପନ କରାଯାଇଛି। ଏହି ପ୍ରସ୍ତାବରେ ନେଟ୍ ୪.୧ ଲକ୍ଷ କୋଟି ଟଙ୍କାର ପ୍ରଭାବ ରାଜକୋଷ ଉପରେ ପଡିବ। ସେହିଭଳି ଅନ୍ୟ ଅର୍ଥ ରାଜସ୍ବ ସଂଗ୍ରହ ଏବଂ ମନ୍ତ୍ରଣାଳୟଗୁଡିକର ସଞ୍ଚୟରୁ ଖର୍ଚ୍ଚ ବ୍ୟବସ୍ଥା କରାଯିବ। ଚଳିତ ଆର୍ଥତ୍କ ବର୍ଷର ପରିବର୍ତ୍ତିତ ବଜେଟ ଧାର୍ଯ୍ୟ ଲକ୍ଷ୍ୟରେ ଏହାକୁ ସାମିଲ ମଧ୍ୟ କରାଯାଇଛି। ଖାଦ୍ୟ ଏବଂ ସାଧାରଣ ବଣ୍ଟନ ବିଭାଗର ଖର୍ଚ୍ଚ ଲାଗି ୩ ଲକ୍ଷ କୋଟି ଟଙ୍କା ଖର୍ଚ୍ଚ କରାଯିବା ନେଇ ମଞ୍ଜୁରୀ ଲୋଡାଯାଇଛି।