ପୁରୁଷୋତ୍ତମପୁର,୧୩ା୩(ସିମାଞ୍ଚଳ ମିଶ୍ର): ଓଡ଼ିଶାର ଏକମାତ୍ର ଏସ୍ଡିପିଓ ଅଫିସ ଭାବେ ଗଞ୍ଜାମ ଜିଲା ପୁରୁଷୋତ୍ତମପୁର ଏସ୍ଡିପିଓ କାର୍ଯ୍ୟାଳୟ ନୂତନ କୋଠାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭର୍ଚୁଆଲ ମାଧ୍ୟମରେ ବୁଧବାର ଲୋକାର୍ପଣ କରିଛନ୍ତି। ଏହି ଅବସରରେ କବିସୂର୍ଯ୍ୟନଗର ବିଧାୟିକା ଲତିକା ପ୍ରଧାନ, ଏନ୍ଏସି ଅଧ୍ୟକ୍ଷା ପ୍ରିୟଙ୍କା ଗୌଡ଼,ବ୍ଲକ ଅଧ୍ୟକ୍ଷା ପିଙ୍କି ବେହେରା, ଅତିରିକ୍ତ ଏସ୍ପି ରଞ୍ଜିତ କୁମାର ପୃଷ୍ଟି, ପୁରୁଷୋତ୍ତମପୁର ଏସ୍ଡିପିଓ ରଜନୀକାନ୍ତ ସାମଲ, ଇନ୍ସପେକ୍ଟର ସମୀର କୁମାର ରାଉତ, ପୁରୁଷୋତ୍ତମପୁର ଆଇଆଇସି ବିପିନ ବିହାରୀ ହୋତା, କୋଦଳା ଆଇଆଇସି ସୁବାସ ବେହେରା, ପୋଲସରା ଆଇଆଇସି କୌଶିକ ମାଝି, ବେଗୁନିଆପଡ଼ା ଆଇଆଇସି ଅଶୋକ କୁମାର ହାଁସଦାଙ୍କ ସମେତ ଓକିଲ ସଂଘ ସଦସ୍ୟ,ବରିଷ୍ଠ ନାଗରିକ ସଂଘ ସଦସ୍ୟ ଓ ଅଞ୍ଚଳର ବହୁ ମାଣ୍ୟଗଣ୍ୟ ବ୍ୟକ୍ତି ଯୋଗଦେଇଥିଲୋ ଏହି କାର୍ଯ୍ୟକ୍ରମ ଏସ୍ଡିପିଓ ଅଫିସର ସମସ୍ତ କର୍ମଚାରୀ ପରିଚାଳନା କରିଥିଲେ।
ସୂଚନାଯୋଗ୍ୟ, ଗତ ୨୯ା୧ା୨୦୧୬ରେ ଏଠାରେ ନୂତନ ଭାବରେ ଏସ୍ଡିପିଓ ଅଫିସ ପ୍ରତିଷ୍ଠା ହୋଇଥିଲା ମାତ୍ର ସ୍ଥାୟୀ କୋଠା ନ ଥିବାରୁ କିଛିଦିନ ଏନ୍ଏସିର ଏକ ଭଡ଼ାଘରେ ଓ ପରେ ଥାନା ପରିସରରେ ଥିବା ଏକ ଛୋଟିଆ କୋଠରିରେ କାର୍ଯ୍ୟ ଚାଲିଥିଲା।