କୋଲକାତା,୨୮।୧୧: ପଶ୍ଚିମବଙ୍ଗରେ ସୁନ୍ଦରବନ ଏବଂ ବସିରହାଟବାସୀଙ୍କୁ ରାଜ୍ୟ ସରକାର ଏକ ଉପହାର ଭେଟି ଦେବାକୁ ଯାଉଛନ୍ତି। ବର୍ତ୍ତମାନ ସୁନ୍ଦରବନ ଏବଂ ବସିରହାଟ ଏହି ଦୁଇଟି ନୂଆ ଜିଲା ହେବାକୁ ଯାଉଛି। ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ମଙ୍ଗଳବାର ହେବାକୁ ଥିବା ଏକ ପ୍ରଶାସନିକ ବୈଠକରେ ଦୁଇଟି ନୂଆ ଜିଲାର ଘୋଷଣା କରିବେ। ସୋମବାର ଜଣେ ବରିଷ୍ଠ ରାଜ୍ୟ ଅଧିକାରୀ ଏହି ସୂଚନା ଦେଇଛନ୍ତି। ଦକ୍ଷିଣ ଏବଂ ଉତ୍ତର ପ୍ରଗଣା ଜିଲାରୁ ବିଭାଜିତ ହୋଇ ଏହି ୨ଟି ନୂଆ ଜିଲା କରାଯିବ। ତେବେ ଏଥିପାଇଁ ଆବଶ୍ୟକ ସମସ୍ତ କାର୍ଯ୍ୟ ଶେଷ ହୋଇଥିବା ଜଣାପଡ଼ିଛି। ସୁନ୍ଦରବନ ଜିଲାର ଦକ୍ଷିଣ ୨୪ ପ୍ରଗଣାରେ ପ୍ରାୟ ୧୩ ଟି ବ୍ଲକ ଥିବା ବେଳେ ବସିରହାଟରେ ଉତ୍ତର ୨୪ ପ୍ରଗଣାରେ ୬ଟି ବ୍ଲକ୍ ରହିଛି। ୟୁନେସ୍କୋ ଦ୍ୱାରା ସୁନ୍ଦରବନ ବିଶ୍ୱ ଐତିହ୍ୟ ମାନ୍ୟତା ପାଇଥିବା ବେଳେ ଏହା ଉତ୍ତର ଏବଂ ଦକ୍ଷିଣ ୨୪ ପ୍ରଗଣା ଅଞ୍ଚଳକୁ ଲମ୍ବି ଥିବା ବେଳେ ବସିରହାଟ ଉତ୍ତର ୨୪ ପ୍ରଗଣାକୁ ବ୍ୟାପିଛି। ପ୍ରତ୍ୟେକ ଜିଲା ନିର୍ମାଣ ପାଇଁ ପଶ୍ଚିମବଙ୍ଗ ସରକାରଙ୍କ ଅତି କମ୍ରେ ୨୦୦ କୋଟି ଟଙ୍କା ଖର୍ଚ୍ଚ ହେବ ବୋଲି ଜଣାପଡିଛି।
