ବଲାଙ୍ଗୀର ଅଫିସ,୪ା୮: ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ରଙ୍କ ନେତୃତ୍ୱାଧୀନ ଏକ ଟିମ୍ ବୁଧବାର ବଲାଙ୍ଗୀର ଗସ୍ତରେ ଆସି ବିଭିନ୍ନ ପ୍ରକଳ୍ପ ବୁଲି ଦେଖିଛନ୍ତି । ପ୍ରଥମେ ଦେଓଗାଁ ହାଇସ୍କୁଲ ପରିଦର୍ଶନ କରିବା ସହ ବଲାଙ୍ଗୀର ପତିତପାବନ ଏକାଡେମୀ, ଭୀମଭୋଇ ମେଡିକାଲ କଲେଜ ହସ୍ପିଟାଲ ପରିଦର୍ଶନ କରିଛନ୍ତି। ନିର୍ମାଣାଧୀନ ନୂଆ ମେଡିକାଲ କଲେଜ ହସ୍ପିଟାଲ କୋଠା କାମ ପରିଦର୍ଶନ ସହ ଲୋୟର ସୁକତେଲ ପ୍ରକଳ୍ପ କାର୍ଯ୍ୟ ପରିଦର୍ଶନ ପାଇଁ ଯାଇଛନ୍ତି । ଏହି ଟିମ୍ ସଦସ୍ୟ ଏନ୍ଏଚ୍ଏମ୍ ମିଶନ ଡାଇରେକ୍ଟର ଶାଳିନୀ ପଣ୍ଡିତ, ଜିଲାପାଳ ଚଞ୍ଚଳ ରାଣା, ଏସ୍ପି ନୀତିନ କୁଶଲକର ଓ ଅନ୍ୟମାନେ ଉପସ୍ଥିତ ଥିଲେ।