ପିଲାଦିନରେ ନିଶ୍ଚିତ ଭାବରେ ଘରର ଛାତ ଉପରେ ତଥା ଆକାଶରେ ଉଡ଼ୁଥିବା ଏରୋପ୍ଲେନ୍କୁ ଦେଖିଥିବେ। ଏଥିରେ ବୁଲିବାକୁ ମଧ୍ୟ ଯାଇଥିବେ। ଏହା ମଧ୍ୟ ଜାଣିଥିବେ ଯେ, ବିମାନ ଅବତରଣ କରିବା ପାଇଁ କେବଳ ରନ୍ଓ୍ବେ ଆବଶ୍ୟକ। ନଚେତ ପଡ଼ିଆ କିମ୍ବା ଛାତ ଉପରେ ନିର୍ମିତ ହେଲିପ୍ୟାଡରେ ଏହା ଅବତରଣ କରିପାରିବ। କିନ୍ତୁ ବିମାନଟି ଯେ, ସାଧାରଣ ଛାତ ଉପରେ ଅବତରଣ କରିବ ଏହା ଏକ ଚମତ୍କାର ଘଟଣା। ପୁଣି ଏହାକୁ କେହି ହାତରେ ଧରିନେବେ ତେବେ ଆଶ୍ଚର୍ଯ୍ୟ ହେବା ସ୍ବାଭାବିକ।
ଉଡ଼ୁଥିବା ବିମାନଟି ଅବତରଣ କରୁଥିବା ଦେଖି ପିଲାଟି ଛାତରୁ ସିଧା ହାତରେ ଧରିନେବାର ଦୃଶ୍ୟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛ। ଯାହାକୁ ପ୍ରତିଷ୍ଠିତ ବ୍ୟବସାୟୀ ଆନନ୍ଦ ମହିନ୍ଦ୍ରା ତାଙ୍କ ଟୁଇଟରରେ ଶେୟାର କରିଛନ୍ତି। ଏଥିରେ ସେ କ୍ୟାପଶନ ଲେଖିଛନ୍ତି, ଏହାଠାରୁ ଅଧିକ ମଜା ମିଳିବ ଯେତେବେଳେ ଆପଣ ପୂରା ଭିଡିଓଟିକୁ ଦେଖିବେ। ସେତେବେଳେ ଆପଣ ଭିଡିଓଟି ପାଇଁ ସମ୍ପୂର୍ଣ୍ଣ ଉପଯୁକ୍ତ ହେବେ।
ଭାଇରାଲ ହେଉଥିବା ଭିଡିଓରେ ଦେଖିବାକୁ ମିଳିଛି, ଗୋଟିଏ ବିମାନ ଆକାଶରେ ଉଡୁଥିବା ଦେଖାଯାଉଛି। ତା’ର ଗତିବିଧିକୁ ଦେଖି ଆପଣ ଅନୁଭବ କରିବେ ଯେପରି ସେ ତା’ର ଦିଗ ହରାଇଛି ଏବଂ କୌଣସି ଏକ ବଡ଼ ଦୁର୍ଘଟଣା ଘଟିପାରେ। ବିମାନଟି ଏକ ଘରକୁ ଧକ୍କା ଦେବ କିମ୍ବା ଏହା ଖସିପଡ଼ିବ। ଭିଡିଓ ଦେଖିବା ପରେ ବିମାନଟି ଏକ ଘରର ଛାତ ଆଡ଼କୁ ଗତି କରୁଛି ଏବଂ ତଳୁ ଲୋକମାନେ ଏହାକୁ ଦେଖି ଆଶ୍ଚର୍ଯ୍ୟ ହୋଇ ଦେଖୁଛନ୍ତି। ଏହି ସମୟରେ ଜଣେ ପିଲା ନିଜ ହାତରେ ବିମାନଟିକୁ ଧରି ପକାଉଛି। ୧୧ ସେକେଣ୍ଡର ଭିଡିଓ ଦେଖିବା ପରେ, ଆପଣ ହସିବା ବନ୍ଦ କରି ପାରିବେ ନାହିଁ।
ଭିଡିଓ ଶେୟାର କରି ଆନନ୍ଦ ମହିନ୍ଦ୍ରା ଲେଖିଛନ୍ତି, ଏହି ଭିଡିଓ ଶେଷରେ ମୋତେ ବୋକା ବନେଇଦେଲା। ଆମେ ଆମର ସମସ୍ୟାକୁ ପ୍ରକୃତ ତୁଳନାରେ ବଡ଼ କରିଥାଉ। ଏହି ଭିଡିଓକୁ ବର୍ତ୍ତମାନ ସୁଦ୍ଧା ୩୨ ହଜାରରୁ ଅଧିକ ଲୋକ ଦେଖିସାରିଲେଣି। ପ୍ରକୃତ କଥା ହେଲା ଏହା ଏକ ଖେଳନା ବିମାନ। ଯାହା ଅବିକଳ ଏକ ବିମାନ ପରି ଦେଖାଯାଉଛି।