କେନ୍ଦୁଝର,୧୬।୭(ସ୍ବ.ପ୍ର.) କେନ୍ଦୁଝରସ୍ଥିତ ଧରଣୀଧର ସ୍ବୟଂ ଶାସିତ ମହାବିଦ୍ୟାଳୟ ପରିସରରେ ପାଣି ପାଇପ୍ ଜମା କରାଯାଇଥିବାରୁ ନାନା ସମସ୍ୟା ସୃଷ୍ଟି ହେଉଛି। ପାଇପ୍ଗୁଡ଼ିକ ବିପଦପୂର୍ଣ୍ଣ ଅବସ୍ଥାରେ ଗଛିତ ରଖାଯାଇଥିବାରୁ ଅସନ୍ତୋଷ ପ୍ରକାଶ ପାଇଛି। କଲେଜର ଛାତ୍ରୀଛାତ୍ରଙ୍କ ସହିତ ପୁରାତନ ଛାତ୍ର, ଅଭିଭାବକ ଏବଂ ସ୍ଥାନୀୟ ଲୋକେ ଏହି ଷ୍ଟକୟାର୍ଡକୁ ଅନ୍ୟତ୍ର ଉଠାଇନେବାକୁ ଦାବି କରିଛନ୍ତି। ସେହିପରି ଏହି ପାଇପ୍ ଅନ୍ୟତ୍ର ସ୍ଥାନାନ୍ତରଣ କରିବା ପାଇଁ ମାସେ ହେଲା ମହାବିଦ୍ୟାଳୟର ଅଧ୍ୟକ୍ଷ ଜନସ୍ବାସ୍ଥ୍ୟ ବିଭାଗର ଅଧୀକ୍ଷଣ ଯନ୍ତ୍ରୀଙ୍କୁ ଚିଠି କରିଥିଲେ ହେଁ ସେ ଶୁଣୁ ନ ଥିବାରୁ ଅସନ୍ତୋଷ ଦେଖାଦେଇଛି।
ଯେ, ମହାବିଦ୍ୟାଳୟ ପରିସର ଗୋପବନ୍ଧୁ ଛାତ୍ରବାସ ସମ୍ମୁଖ ପଡ଼ିଆରେ ଦୀର୍ଘ ମାସ ହେଲା ପାଣି ପାଇପ୍ ବିଛାଉଥିବା ଠିକା ସଂସ୍ଥା ବହୁ ସଂଖ୍ୟାରେ ପାଇପ୍ ଗଚ୍ଛିତ ରଖିଛନ୍ତି। ଫଳରେ ଛାତ୍ରୀଛାତ୍ରମାନଙ୍କର ଚଳପ୍ରଚଳରେ ନାନା ସମସ୍ୟା ସୃଷ୍ଟି ହେଉଛି। ପାଇପ୍ ଗଚ୍ଛିତ ଯୋଗୁ ପରିସରର ସୌନ୍ଦର୍ଯ୍ୟ ହାନୀ ଘଟିବା ସହିତ ବିପଦପୂର୍ଣ୍ଣ ପରିବେଶ ସୃଷ୍ଟି କରୁଛି। ସେହିପରି ନିକଟରେ ୟୁଜିସି ଓ ନାକ୍ ଟିମ୍ ଗସ୍ତ କାର୍ଯ୍ୟକ୍ରମ ରହୁଥିବାରୁ ଏହା ମହାବିଦ୍ୟାଳୟର ମର୍ଯ୍ୟାଦା ହାନୀ ଘଟାଇବ ବୋଲି କୁହାଯାଉଛି। ସେହିପରି ଏହି ପରିସରରେ ଠିକା ସଂସ୍ଥାର କର୍ମଚାରୀ ମଧ୍ୟ କ୍ୟାମ୍ପ କରି ରହୁଥିବାରୁ ନାନା ବିଶୃଙ୍ଖଳା ଦେଖାଦେଉଛି। ଯାହାକୁ ନେଇ ପୁରାତନ ଛାତ୍ର ତଥା ଅଭିଭାବକ ଏବଂ ବର୍ତ୍ତମାନ ପାଠ ପଢୁଥିବା ଛାତ୍ରଛାତ୍ରୀ ଅସନ୍ତୋଷ ବ୍ୟକ୍ତ କରିଛନ୍ତି। ଏ ନେଇ ମହାବିଦ୍ୟାଳୟ ପକ୍ଷରୁ ଚିଠିନଂ. ୧୩୫୦/୧୮ା୬ା୨୦୨୨ରେ ଜନସ୍ବାସ୍ଥ୍ୟ ବିଭାଗର ଅଧୀକ୍ଷଣ ଯନ୍ତ୍ରୀଙ୍କୁ ଚିଠି କରାଯାଇଥିଲେ ମଧ୍ୟ ଏଥିପ୍ରତି ଗୁରୁତ୍ୱ ଦିଆଯାଇନାହିଁ। ଏହାକୁ ନେଇ ଆଗାମୀ ଦିନରେ ଛାତ୍ରମାନେ ଆନ୍ଦୋଳନକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି।