ଭୁବନେଶ୍ୱର,୧୫।୩ (ବ୍ୟୁରୋ): ବାଇକ୍ରେ ମଡିଫାଏଡ ସାଇଲେନ୍ସର ଲଗାଇ ବିକଟାଳ ଶବ୍ଦ କଲେ ବା ଏଭଳି ସାଇଲେନ୍ସର ବ୍ରିକ୍ରି କରୁଥିବା ଦୋକାନୀଙ୍କୁ ପୋଲିସ ସାବଧାନ କରାଇ ଦେଇଛି। ଏଭଳି ଶବ୍ଦ ପ୍ରଦୂଷଣ କରିବା ମାମଲାରେ କମିଶନରେଟ ପୋଲିସ କଠୋର ହୋଇଛି। ବିଭିନ୍ନ ସ୍ଥାନରେ ବାଇକ ଯାଞ୍ଚ ପରେ ଏବେ ସିଧା ଏଭଳି ସାଇଲେନ୍ସର ବିକ୍ରି କରୁଥିବା ଦୋକାନ ଉପରେ ଚଢାଉ ହେଉଛି।
ଏଯାବତ୍ ଶବ୍ଦ କରୁଥିବା ୧୫ରୁ ଅଧିକ ବାଇକ ଜବତ ହୋଇଥିବା ବେଳେ ଏଭଳି ଗାଡ଼ି ନଜରରେ ପଡ଼ିଲେ ପୋଲିସକୁ ଖବର ଦେଇପାରିବେ ବୋଲି କମିଶନରେଟ ପୋଲିସ ହ୍ବାଟସଆପ ନମ୍ବର ଜାରି କରିଛି । କୌଣସି ଛକର ଏଭଳି ବାଇକ୍ ଚଲାଉଥିବା ଦେଖିଲ ହେଲ୍ପ ଲାଇନ ନମ୍ବର ୮୦୯୩୦୨୮୧୦୭ରେ ସମ୍ପୃକ୍ତ ବାଇକ ଚାଳକଙ୍କ ଫୋଟ ଉଠାଇ ପଠାଇବାକୁ ସାଧରଣ ଲୋକଙ୍କୁ ଅପିଲ କରିଛନ୍ତି ଡିସିପି ଉମାଶଙ୍କର ଦାଶ ।
