କର୍ମଚାରୀଙ୍କ ଉପରେ ଖୁସି ହୋଇ Mercedes Benz ଭଳି ଉପହାର ଦେଲା ଏହି କମ୍ପାନୀ
02 ମୁମ୍ବାଇ,୧୪।୧୦: ଦେଶରେ, ଶୁଣିବାକୁ ବହୁତ କ୍ୱଚିତ ମିଳେ ଯେ କୌଣସି ଏକ କମ୍ପାନୀ ନିଜ କର୍ମଚାରୀଙ୍କୁ କାର୍ କିମ୍ବା ବାଇକ ଉପହାର ଦେଇଥାଏ। ଚେନ୍ନାଇ ସ୍ଥିତ ଇସ୍ପାତ ଡିଜାଇନ କମ୍ପାନୀ ‘ଟିମ ଡିଟେଲିଂ ସଲ୍ୟୁସନ’ ଏହାର କର୍ମଚାରୀମାନଙ୍କୁ ୨୮ଟି କାର ଏବଂ ୨୯ଟି ବାଇକ ଉପହାର ଦେଇଛି। ଯାହା ଏବେ ଆଲୋଚନା ହେଉଛି।
କମ୍ପାନୀ ଦ୍ୱାରା ନିଆଯାଇଥିବା ଏହି ପଦକ୍ଷେପର ଉଦ୍ଦେଶ୍ୟ ହେଉଛି କର୍ମଚାରୀଙ୍କ କଠିନ ପରିଶ୍ରମକୁ ପ୍ରଶଂସା କରିବା ଏବଂ ସେମାନଙ୍କର ଉତ୍ପାଦକତା ବୃଦ୍ଧି କରିବା। ସୂଚନାଯୋଗ୍ୟ, କମ୍ପାନୀ ଏହାର କର୍ମଚାରୀମାନଙ୍କୁ ହୁଣ୍ଡାଇ, ଟାଟା, ମାରୁତି ସୁଜୁକି ଏବଂ ମର୍ସିଡିଜ ବେଞ୍ଜ ଭଳି ବ୍ରାଣ୍ଡେଡ କାର୍ ଏବଂ ବାଇକ ମଧ୍ୟ ଉପହାର ଦେଇଛି।
ଏହା ସହିତ କମ୍ପାନୀ ବିବାହ ପାଇଁ ଦିଆଯାଇଥିବା ସହାୟତାକୁ ମଧ୍ୟ ବୃଦ୍ଧି କରିଛି। କମ୍ପାନୀର ଏହି ନିଷ୍ପତ୍ତି ଉତ୍ସବ ଋତୁରେ କର୍ମଚାରୀଙ୍କ ମୁହଁରେ ହସ ବଢାଇ ଦେଇଛି।
କମ୍ପାନୀର ପରିଚାଳନା ନିର୍ଦ୍ଦେଶକ ଶ୍ରୀଧର କନ୍ନନ କହିଛନ୍ତି ଯେ କମ୍ପାନୀର ସଫଳତାରେ କର୍ମଚାରୀଙ୍କ ଅକ୍ଲାନ୍ତ ପରିଶ୍ରମ ପାଇଁ ଆମେ କୃତଜ୍ଞତା ଜଣାଇବାକୁ ଚାହୁଁଛୁ। ଆମେ ବିଶ୍ୱାସ କରୁ ଯେ ଆମର କର୍ମଚାରୀମାନେ ଆମର ସର୍ବଶ୍ରେଷ୍ଠ ସମ୍ପତ୍ତି।