ଦୁବାଇ,୧୮।୧: ୟୁଏଇରେ ଭାରତୀୟ ରାଷ୍ଟ୍ରଦୂତ ସଞ୍ଜୟ ସୁଧୀର ଆବୁଧାବିରେ ନିର୍ମିତ ବିଏପିଏସ୍ ହିନ୍ଦୁ ମନ୍ଦିର ପରିଦର୍ଶନ କରିଛନ୍ତି। ଏହି ସମୟରେ ରାଷ୍ଟ୍ରଦୂତ ମନ୍ଦିରର ନିର୍ମାଣ କାର୍ଯ୍ୟର ଅଗ୍ରଗତି ଦେଖିଥିଲେ। ୨୦୧୫ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ମନ୍ଦିର ନିର୍ମାଣ ପାଇଁ ଘୋଷଣା କରିଥିଲେ। ବର୍ତ୍ତମାନ ଏହାର ନିର୍ମାଣ କାର୍ଯ୍ୟ ଶେଷ ହେବାକୁ ଯାଉଛି। ସୋସିଆଲ ମିଡିଆରେ ଏକ ପୋଷ୍ଟ ଶେୟାର କରି ଭାରତୀୟ ଦୂତାବାସ ଏହି ସୂଚନା ଦେଇଛି। ସେ ଲେଖିଛନ୍ତି ଯେ ଏକ ମାସରୁ କମ ସମୟ ବାକି ଅଛି। ଆବୁଧାବିରେ ନିର୍ମିତ ହିନ୍ଦୁ ମନ୍ଦିରର ନିର୍ମାଣ କାର୍ଯ୍ୟ ବର୍ତ୍ତମାନ ଶେଷ ହେବାକୁ ଯାଉଛି, ଯାହା ୨୦୧୫ରେ ପ୍ରଧାନମନ୍ତ୍ରୀ ମୋଦି ଘୋଷଣା କରିଥିଲେ। ଭାରତୀୟ ରାଷ୍ଟ୍ରଦୂତ ଏହାର ଅଗ୍ରଗତି ଦେଖିଛନ୍ତି।
ଜାନୁଆରୀ ୨୨ରେ ଅଯୋଧ୍ୟାରେ ଥିବା ମହାନ ରାମ ମନ୍ଦିରର ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ଯୋଗଦେବେ। ଏହା ପରେ ଫେବୃଆରୀ ୧୪ରେ ପ୍ରଧାନମନ୍ତ୍ରୀ ଆବୁଧାବିରେ ନିର୍ମିତ ଏହି ହିନ୍ଦୁ ମନ୍ଦିରର ଉଦଘାଟନ କରିବେ। ଗତ ବର୍ଷ ଡିସେମ୍ବରରେ ଆବୁଧାବିରେ ସ୍ବାମୀନାରାୟଣ ମନ୍ଦିରର ଉଦଘାଟନ ପାଇଁ ବିଏପିଏସ୍ ହିନ୍ଦୁ ମନ୍ଦିର ସଂଗଠନ ପ୍ରଧାନମନ୍ତ୍ରୀଙ୍କୁ ଆମନ୍ତ୍ରଣ କରିଥିଲା, ଯାହା ସେ ଗ୍ରହଣ କରିଛନ୍ତି। ସ୍ବାମୀନାରାୟଣ ସଂଗଠନ ଏହି ସୂଚନା ପ୍ରଦାନ କରି ଏକ ବିବୃତ୍ତି ଜାରି କରିଛି।
