ସରଣ୍ଡା, ୧୨।୫(ଡିଏନଏ):ବରଗଡ ଜିଲା ଅତାବିରା ବ୍ଲକ ସରଣ୍ଡା ମନ୍ଦିର ଛକ ୫୩ ନମ୍ବର ଜାତୀୟ ରାଜପଥରୁ ଜାଙ୍ଗେଡ଼ ଆରଡ଼ି ରାସ୍ତା ଭାୟା ଲରାସରା ରାସ୍ତାର ସମ୍ପ୍ରସାରଣ କାର୍ଯ୍ୟ ଚାଲିଛି l ଏହି ରାସ୍ତାର ଟୁପାପଡା ଗ୍ରାମରେ ଯେଉଁ ପୁରୁଣା ଜମିରେ ରାସ୍ତା ଯାଇଛି ତାହା ରାୟତି ଥିବାବେଳେ ବର୍ତ୍ତମାନ ନକ୍ସାରେ ଥିବା ରାସ୍ତା ଜମି ଜନୈକ ବ୍ୟକ୍ତି ଛାଡୁ ନାହାନ୍ତି l ଏହି ବିବାଦୀୟ ଅଧ କିଲୋମିଟର ରାସ୍ତା କାର୍ଯ୍ୟ ହୋଇପାରୁନାହିଁ l ଏହାକୁ ନେଇ ରାସ୍ତା କାମଟି ବିବାଦୀୟ ହୋଇପଡିଛି l ତେବେ ଏହାର ସମାଧାନ ପାଇଁ ସମ୍ପୃକ୍ତ ଅଞ୍ଚଳର ଗ୍ରାମବାସୀମାନେ ଲିଖିତ ଭାବେ ଅତାବିରା ତହସିଲଦାର ସୌଭାଗ୍ୟ ବେହେରାଙ୍କୁ ଏପ୍ରିଲ ମାସ ୪ରେ ଜଣାଇଥିଲେ l ତେବେ ସୁଫଳ ନାହିଁ । ଏହାର ପ୍ରତିବାଦରେ ଗ୍ରାମବାସୀ ଅସନ୍ତୋଷ ପ୍ରକାଶ କରି ଗୁରୁବାର ରାସ୍ତା ଅବରୋଧ କରିଛନ୍ତି l ଫଳରେ ରାସ୍ତାରେ ଯାତାୟତ ବାଧାପ୍ରାପ୍ତ ହୋଇଛି।