ନୂଆଦିଲ୍ଲୀ,୨୩।୨: ବିଜୟ ହଜାରେ ଟ୍ରଫିରେ କୃନାଲ ପାଣ୍ଡ୍ୟା ଚମତ୍କାର ଶତକ ଅର୍ଜନ କରିଛନ୍ତି। ତ୍ରିପୁରା ବିପକ୍ଷରେ ସେ ୯୭ଟି ବଲ୍ରୁ ୧୨୭ ରନ୍ ସ୍କୋର କରିଥିଲେ। ତାଲିକା-ଏ ମ୍ୟାଚରେ ଏହା ତାଙ୍କର ପ୍ରଥମ ଶତକ ଥିଲା। ୨୯ ବର୍ଷୀୟ କ୍ରୁନାଲ ଏହି ଇନିଂସକୁ ନେଇ ଭାବପ୍ରବଣ ହୋଇପଡିଛନ୍ତି। ସେ ମଙ୍ଗଳବାର ନିଜ ଟୁଇଟର ଆକାଉଣ୍ଟରେ ଗୋଟିଏ ପରେ ଗୋଟିଏ ଟୁଇଟ କରି ତାଙ୍କ ପିତା ହିମାଂଶୁ ପାଣ୍ଡ୍ୟାଙ୍କୁ ମନେ ପକାଇଛନ୍ତି।
କ୍ରୁନାଲ ଲେଖିଛନ୍ତି ଯେ ଏହା, ପ୍ରଥମ ଥର ମୁଁ ଏକ ଶତକ ମାରିଲି କିନ୍ତୁ ବାପା ଏହି ମ୍ୟାଚ ଦେଖିବା ପାଇଁ ମୋ ସହିତ ଉପସ୍ଥିତ ନ ଥିଲେ। ସେ ଆଉ ଏହି ଦୁନିଆରେ ନାହାଁନ୍ତି। ଏହା ଜାଣି ମୋର ହୃଦୟରେ କୋହ ସୃଷ୍ଟି ହୋଇଛି। ତାଙ୍କା ଚେହେରାରେ ସବୁବେଳେ ଖୁସି ଥିଲା। ଯଦି ସେ ମୋର ଇନିଂସ ଆଜି ଦେଖୁଥାନ୍ତେ, ତେବେ ସେ ମୋର ପ୍ରତ୍ୟେକ ରନ୍ରେ ଖୁସି ହୋଇଥାନ୍ତେ। ସେ ଆହୁରି ମଧ୍ୟ ଲେଖିଛନ୍ତି ଯେ ମୋ ମା’ ପ୍ରଥମ ଥର ପାଇଁ ମୋ ମ୍ୟାଚ ଦେଖିବାକୁ ଷ୍ଟାଡିୟମ ଆସିଥିଲେ ଏବଂ ମୁଁ ଶତକ ମାରିଥିଲି। ଶତକ ସ୍କୋର କରିବା ପରେ ମୁଁ ଭାବପ୍ରବଣ ହୋଇଗଲି। ମୁଁ ଏହି ଶତକକୁ ମୋ ବାପାଙ୍କୁ ଉତ୍ସର୍ଗ କରୁଛି। ଇଂଲଣ୍ଡ ବିପକ୍ଷ ପାଞ୍ଚ ମ୍ୟାଚ୍ ବିଶିଷ୍ଟ ଟି -୨୦ ସିରିଜରେ ଯଦିଓ କ୍ରୁନାଲ ପାଣ୍ଡ୍ୟାଙ୍କୁ ସୁଯୋଗ ମିଳିନାହିଁ।