ଇଣ୍ଡିଆନ ପ୍ରିମିୟର ଲିଗର ୧୪ତମ ସିଜନର କରୋନା ଯୋଗୁ ଅଧାରୁ ସ୍ଥଗିତ ହୋଇଥିଲା। ଅନେକ ଖେଳାଳି ଏବଂ କର୍ମଚାରୀ କରୋନା ପଜିଟିଭ ଆସିବା ପରେ ଏହି ଟୁର୍ନାମେଣ୍ଟ ଅର୍ନିଦ୍ଦିଷ୍ଟ କାଳ ପାଇଁ ସ୍ଥଗିତ ରଖାଯାଇଥିଲା। ଏବେ କ୍ରିକେଟର୍ ମାନେ ନିଜ ଘରେ ପହଞ୍ଚିବା ପରେ ଭାରତରେ ସେମାନଙ୍କୁ ଅନୁଭୂତି ବୟାନ କରୁଛନ୍ତି। ଏହି କ୍ରମରେ ନ୍ୟୁଜିଲାଣ୍ଡ କ୍ରିକେଟର୍ର କ୍ରିକେଟର ଟିମ ସେଫର୍ଟ ନିଜ ଅନୁଭୂତି ବଖାଣିବା ସମୟରେ କାନ୍ଦି ପକାଇଛନ୍ତି। ଭାରତରେ କରୋନା ପଜିଟିଭ ଆସିବା ପରେ ତାଙ୍କ ଅନୁଭୂତି ବିଷୟରେ କହିଥିଲେ।
ଆଇପିଏଲ ୨୦୨୧ରେ, ଟିମ ସେଫର୍ଟ କୋଲକାତା ନାଇଟ ରାଇଡର୍ସର ଏକ ଅଂଶ ଥିଲେ। ଟୁର୍ଣ୍ଣାମେଣ୍ଟ ସ୍ଥଗିତ ରଖାଯିବା ପରେ ନ୍ୟୁଜିଲ୍ୟାଣ୍ଡର ସାଥୀ ଖେଳାଳିଙ୍କ ସହ ଯିବା ପୂର୍ବରୁ କରୋନାର ଆର୍ଟିପିସିଆର୍ ପରୀକ୍ଷଣରେ ସେ ସାମାନ୍ୟ ଲକ୍ଷଣ ସହିତ ପଜିଟିଭ୍ ଚିହ୍ନଟ ହୋଇଥିଲେ। ସେଫର୍ଟ ଏବେ ନ୍ୟୁଜିଲାଣ୍ଡରେ ଥିବା ତାଙ୍କ ଘରେ ୧୪ ଦିନିଆ ଆଇସୋଲେସନରେ ଅଛନ୍ତି। ଏହି ସମୟରେ ସେ ଏକ ଅନଲାଇନ ସାକ୍ଷାତକାରରେ ଭାଗ ନେଇଥିଲେ। ଭାରତରେ କରୋନା ପଜିଟିଭ ଆସିବା ପରେ ତାଙ୍କ ଅନୁଭୂତି ବର୍ଣ୍ଣନା କରି ତାଙ୍କ ଆଖିରୁ ଲୁହ ଆସିଯାଇଥିଲା।
ସେ କହିଛନ୍ତି ମୁଁ ଯେତେବେଳେ ଜାଣିଲି ଯେ ମୁଁ କରୋନା ପଜିଟିଭ, ସେତେବେଳେ ସତେ ଯେପରି ମୋ ଦୁନିଆ ଅଧାରୁ ଅଟକି ଯାଇଥିଲା। ମୁଁ ପ୍ରକୃତରେ ଭାବି ପାରିଲି ନାହିଁ କଣ ପରବର୍ତ୍ତୀ ସମୟରେ ଘଟିବ ଏବଂ ଏହା ହେଉଛି ସବୁଠାରୁ ଭୟଭୀତ ଅଂଶ- ଆପଣ ଖରାପ ଜିନିଷ ବିଷୟରେ ଶୁଣନ୍ତି ଏବଂ ଭାବନ୍ତି ଯେ ଏହା ମଧ୍ୟ ମୋ ସହିତ ଘଟିବ। ଏ ବିଷୟରେ କଥାବାର୍ତ୍ତା କରି ୨୬ ବର୍ଷୀୟ ଟିମ୍ ନିଜକୁ ସମ୍ଭାଳିବା ପାଇଁ କିଛି ସମୟ ନେଇଥିଲେ ଏବଂ ଏହା ପରେ ସେ ଆହୁରି କଥାବାର୍ତ୍ତା ଜାରି ରଖିଥିଲେ।
