ଆଜିକୁ ଠିକ୍ ୮ ବର୍ଷ ପୂର୍ବେ ଅର୍ଥାତ୍ ୨୦୧୩, ୨୯ ଅଗଷ୍ଟରେ ଅଷ୍ଟ୍ରେଲିଆ ବ୍ୟାଟ୍ସମ୍ୟାନ୍ ଆରୋନ ଫିଞ୍ଚ ଟି-୨୦ କ୍ରିକେଟ୍ରେ ବିଶ୍ୱ ରେକର୍ଡ କରିଥିଲେ। ଅଷ୍ଟ୍ରେଲିଆ ଦଳ ଇଂଲଣ୍ଡ ଗସ୍ତରେ ଯାଇଥିବାବେଳେ ସିରିଜର ପ୍ରଥମ ଅନ୍ତର୍ଜାତୀୟ ଟି -୨୦ ମ୍ୟାଚ ଖେଳୁଥିଲା। ଫିଞ୍ଚ ଏହି ମ୍ୟାଚରେ ୧୫୬ ରନ ସ୍କୋର କରିଥିଲେ। ସେ ମାତ୍ର ୬୩ଟି ବଲ ଖେଳି ଏହି ସ୍କୋର କରିଥିଲେ। ଫିଞ୍ଚ ଛକାରୁ ଇନିଂସ ଆରମ୍ଭ କରି ୧୧ ଚୌକା, ୧୪ ଛକା ମାରିଥିଲେ। ୬ଟି ଉଇକେଟ ହରାଇ ଅଷ୍ଟ୍ରେଲିଆ ୨୦ ଓଭରରେ ୨୪୮ରନ ସଂଗ୍ରହ କରିଥିଲା, ଯାହା ସେହି ସମୟରେ ଟି-୨୦ ଅନ୍ତର୍ଜାତୀୟ ସ୍ତରରେ ଦ୍ୱିତୀୟ ସର୍ବାଧିକ ସ୍କୋର ଥିଲା। ଇଂଲଣ୍ଡ ଦଳ ୬ ଉଇକେଟ ହରାଇ ୨୦୯ ରନ ସଂଗ୍ରହ କରି ୩୯ ରନ୍ରେ ମ୍ୟାଚ ହାରିଥିଲା।
ଫିଞ୍ଚ ଟି -୨୦ଆନ୍ତର୍ଜାତୀୟ ଫର୍ମାଟରେ ଏକ ବିଶ୍ୱ ରେକର୍ଡ ସୃଷ୍ଟି କରିଥିଲେ। ସେ ସାଉଥମ୍ପଟନରେ ଶନ ମାର୍ଶ (୨୮)ଙ୍କ ସହ ଦ୍ୱିତୀୟ ଉଇକେଟ ପାଇଁ ୧୧୪ ରନ ଯୋଡିଥିଲେ। ସେ ତୃତୀୟ ଉଇକେଟ ପାଇଁ ସେନ୍ ୱାଟସନ (୩୭) ଙ୍କ ସହ ୧୦୧ ରନ ଭାଗିଦାରୀ ବାଣ୍ଟିଥିଲେ। ୨୦୧୮ମସିହାରେ, ଫିଞ୍ଚ ଜିମ୍ବାୱେ ବିପକ୍ଷରେ ୧୭୨ ରନ ସ୍କୋର କରିଥିଲେ, ଯାହାକି ଟି -୨୦ ଅନ୍ତର୍ଜାତୀୟ ସ୍ତରରେ ସର୍ବାଧିକ ବ୍ୟକ୍ତିଗତ ସ୍କୋର ଅଟେ। ଏହି ମ୍ୟାଚ୍ରେ ଫିଞ୍ଚ ୪୭ ବଲରେ ଶତକ ପୂରଣ କରିଥିବାବେଳେ ୨୬ ବଲରେ ନିଜର ଅର୍ଦ୍ଧଶତକ ପୂରଣ କରିଥିଲେ। ସେ ପାଲେକାଲରେ ବାଂଲାଦେଶ ବିପକ୍ଷ ଟି -୨୦ ମ୍ୟାଚ୍ରେ ୧୨୩ ରନ୍ର ଇନିଂସ ଖେଳିଥିବା ବେଳେ ସେ ୨୦୧୨ରେ ବ୍ରେଣ୍ଡନ ମ୍ୟାକକୁଲମଙ୍କ ବିଶ୍ୱ ରେକର୍ଡ ଭାଙ୍ଗିଥିଲେ।
