ସୌରାଷ୍ଟ୍ର୍ୟ,୧୧।୩: ବିଜୟ ହଜାରେ ଟ୍ରଫିରେ ସୌରାଷ୍ଟ୍ର ବିପକ୍ଷରେ ମୁମ୍ବାଇ ଅଧିନାୟକ ପୃଥ୍ବୀ ଶ’ ଚମତ୍କାର ଇନିଂସ ଖେଳିଛନ୍ତି। ସେ ମାତ୍ର ୧୨୩ ବଲରୁ ୧୮୫ ରନର ପାଳି ଖେଳିଥିଲେ। ଏହି ସମୟ ମଧ୍ୟରେ ସେ ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ ଏବଂ ବିରାଟ କୋହଲିଙ୍କ ରେକର୍ଡ ଭାଙ୍ଗିଛନ୍ତି। ୨୦୦୫ରେ ଜୟପୁରରେ ଶ୍ରୀଲଙ୍କା ବିପକ୍ଷ ମ୍ୟାଚରେ ମହେନ୍ଦ୍ର ସିଂ ଧୋନୀ ୧୪୫ ବଲରୁ ୧୮୩ ରନ ସଂଗ୍ରହ କରିଥିବାବେଳେ ବିରାଟ କୋହଲି ୨୦୧୨ରେ ଢାକାରେ ପାକିସ୍ତାନ ବିପକ୍ଷ ମ୍ୟାଚରେ ୧୪୮ ବଲରୁ ୧୮୩ ରନ ସଂଗ୍ରହ କରିଥିଲେ।
୧୮୫ ରନ୍ର ଅପରାଜିତ ଇନିଂସରେ ୨୧ ଚୌକା ଓ ୭ ଛକା ମାରି ପୃଥ୍ବୀ ଶ’ ସମସ୍ତ ହୃଦୟ ଜିତିଥିଲେ। କେବଳ ଏତିକି ନୁହେଁ ସେ ସୌରାଷ୍ଟ୍ରକୁ ୯ ଉଇକେଟରେ ପରାସ୍ତ କରି ବିଜୟ ହଜାରେ ଟ୍ରଫିର ଦିନିକିଆ କ୍ରିକେଟ ଚାମ୍ପିଅନସିପର ସେମିଫାଇନାଲରେ ପ୍ରବେଶ କରିଛନ୍ତି। ଟୁର୍ଣ୍ଣାମେଣ୍ଟରେ ପୃଥ୍ବୀ ଶ’ ମଧ୍ୟ ତୃତୀୟ ଶତକ ହାସଲ କରିଛନ୍ତି।
