ଆଡିଲେଡ,୨୦।୧୨: ଅଷ୍ଟ୍ରେଲିଆ ଏବଂ ଇଂଲଣ୍ଡ ମଧ୍ୟରେ ଆଶେସ ସିରିଜର ଦ୍ୱିତୀୟ ଟେଷ୍ଟ ମ୍ୟାଚ୍ ଆଡିଲେଡରେ ଖେଳାଯାଉଛି। ଏହି ମ୍ୟାଚରେ ଇଂଲଣ୍ଡ ବୋଲର ଜେମ୍ସ ଆଣ୍ଡରସନ ଏକ ନିଆରା ସଫଳତା ହାସଲ କରିଛନ୍ତି । ତାଙ୍କ ପୂର୍ବରୁ ଟେଷ୍ଟ କ୍ରିକେଟରେ ଦୁନିଆର କୌଣସି ଦ୍ରୁତ ବୋଲର ଏହି ରେକର୍ଡ ସୃଷ୍ଟି କରିପାରନ୍ତି ନାହିଁ। ଟେଷ୍ଟ କ୍ରିକେଟରେ ସର୍ବାଧିକ ଓଭର ବୋଲିଂ କରିବାରେ ଆଣ୍ଡରସନ ଏବେ ଦୁନିଆର ପ୍ରଥମ ଦ୍ରୁତ ବୋଲର ହୋଇପାରିଛନ୍ତି। ସେ ଏପର୍ଯ୍ୟନ୍ତ ଟେଷ୍ଟ କ୍ରିକେଟରେ ୬୦୦୦ ଓଭର ବୋଲିଂ କରିଛନ୍ତି। ଆଡିଲେଡ ଡେ-ନାଇଟ ଟେଷ୍ଟ ମ୍ୟାଚର ଚତୁର୍ଥ ଦିନରେ ସେ ଏହା ହାସଲ କରିଥିଲେ।
ଜେମ୍ସ ଆଣ୍ଡରସନ ୨୦୦୩ରେ ଜିମ୍ବାୱେ ବିପକ୍ଷରେ ଲର୍ଡସରେ ଟେଷ୍ଟ ଡେବ୍ୟୁ କରିଥିଲେ। ସେ ତାଙ୍କର ପ୍ରଥମ ଓଭରରେ ୧୭ ରନ ଦେଇଥିଲେ। ଟେଷ୍ଟ କ୍ରିକେଟରେ ପ୍ରଥମ ଓଭରରେ ଦୁନିଆର କୌଣସି ବୋଲର ଏତେ ରନ ସଂଗ୍ରହ ଦେଇନାହାନ୍ତି। ଦ୍ରୁତ ବୋଲର ଭାବରେ ପ୍ରଥମ ଓଭରରେ ସର୍ବାଧିକ ରନ ଦେବାରେ ସେ ରେକର୍ଡ ରଖିଛନ୍ତି। କିନ୍ତୁ ସେବେଠାରୁ ଆଣ୍ଡରସନ ଆଉ ପଛକୁ ଚାହିଁ ନାହାଁନ୍ତି। ସେ ଆଜି ଟେଷ୍ଟରେ ଦୁନିଆର ସବୁଠାରୁ ସଫଳ ଦ୍ରୁତ ବୋଲର। ସେ ଏପର୍ଯ୍ୟନ୍ତ ଟେଷ୍ଟ କ୍ରିକେଟରେ ୬୦୦ରୁ ଅଧିକ ଉଇକେଟ ନେଇଛନ୍ତି।
ଜେମ୍ସ ଆଣ୍ଡରସନ ଗତ ୧୮ ବର୍ଷ ଧରି କ୍ରମାଗତ ଭାବେ ଇଂଲଣ୍ଡ ପାଇଁ ଖେଳୁଛନ୍ତି। ସେ ଏପର୍ଯ୍ୟନ୍ତ ଇଂଲଣ୍ଡ ଦଳ ପାଇଁ ୧୬୬ଟି ଟେଷ୍ଟ ଖେଳିଛନ୍ତି । ୧୬୬ଟି ମ୍ୟାଚ ଖେଳି ୬୩୨ ଉଇକେଟ ନେଇଛନ୍ତି।