ଭାରତୀୟ କ୍ରିକେଟର ହାର୍ଦ୍ଦିକ ପାଣ୍ଡ୍ୟା ତାଙ୍କ ଇନଷ୍ଟାଗ୍ରାମରେ ଏକ ଭିଡିଓ ଶେୟାର କରିଛନ୍ତି। ଯେଉଁଥିରେ ସେ ପୁଅ ଅଗସ୍ତ୍ୟଙ୍କ ସହ ନଜର ଆସିଛନ୍ତି। ହାର୍ଦ୍ଦିକଙ୍କ ଏହି ସୁନ୍ଦର ଭିଡିଓକୁ ପ୍ରଶଂସକ ସହ ତାରକାମାନେ ପସନ୍ଦ କରିବା ସହ କମେଣ୍ଟ ଦେଉଛନ୍ତି। ଭିଡିଓରେ ହାର୍ଦ୍ଦିକ ତାଙ୍କ ପୁଅଙ୍କ ସହ ଖେଳୁଥିବା ଦେଖିବାକୁ ମିଳୁଛି।
ଭିଡିଓରେ ହାର୍ଦ୍ଦିକ ପୁଅ ସହିତ ହାଇ ଫାଇ କରୁଛନ୍ତି। ପରେ, ସେ କହୁଛନ୍ତି ‘ଚାଲ ଏବେ ଶୋଇବା ବାପା’। ଏହା ସହ ସେ କ୍ୟାପଶନରେ ଲେଖିଛନ୍ତି – ଅଗସ୍ତ୍ୟଙ୍କ ସହ ଖେଳ। ଯାହାକୁ ମୁଁ ଅଧିକ ମିସ କରୁଛି। ଏହି ଦିନ ମୋର ପୁରା ଜୀବନ ମନେ ରହିବ ।
ପୂର୍ବରୁ ହାର୍ଦ୍ଦିକ ପୁଅ ସହିତ ଏକ ଫଟୋ ମଧ୍ୟ ପୋଷ୍ଟ କରିଥିଲେ। ଯେଉଁଥିରେ ପୁଅକୁ ସେ କୋଳରେ ଧରିଥିବା ଦେଖିବାକୁ ମିଳିଥିଲା। ସ୍ତ୍ରୀ ନତାଶା ଷ୍ଟାନକୋଭିକ ହାର୍ଦ୍ଦିକଙ୍କ ଏହି ପୋଷ୍ଟକୁ ତୁରନ୍ତ ପ୍ରତିକ୍ରିୟା ଦେଇ ରେଡ ହାର୍ଟ ଇମୋଜି ପୋଷ୍ଟ କରିଥିଲେ। ନତାଶା ଘରେ ପୁଅ ସହ ରହୁଥିବା ବେଳେ ହାର୍ଦ୍ଦିକ ଇଣ୍ଡିଆନ ପ୍ରିମିୟର ଲିଗରେ ବ୍ୟସ୍ତ ଅଛନ୍ତି।
ସୂଚନାଯୋଗ୍ୟ, ୨୦୨୦ ଆରମ୍ଭରେ, ହାର୍ଦ୍ଦିକ ଏବଂ ନତାଶା ବିବାହ ବନ୍ଧନରେ ବାନ୍ଧି ହୋଇଥିଲେ। ହାର୍ଦ୍ଦିକ ଦୁବାଇରେ ନତାଶାଙ୍କୁ ପ୍ରସ୍ତାବ ଦେଇଥିଲେ ପରେ ବିବାହ ହୋଇଥିଲା। ଚଳିତ ବର୍ଷ ୩୦ ଜୁଲାଇରେ ନତାଶା ଏକ ପୁତ୍ର ସନ୍ତାନକୁ ଜନ୍ମ ଦେଇଥିଲେ।