ମୁମ୍ବାଇ,୨୦।୫: ଆଇପିଏଲ ୨୦୨୨ର ୬୭ତମ ମ୍ୟାଚରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ୮ ଉଇକେଟ୍ରେ ଗୁଜରାଟ ଟାଇଟାନ୍ସକୁ ପରାସ୍ତ କରିଛି। ଏହି ବିଜୟ ସହ ଆରସିବି ପ୍ଲେ ଅଫ୍ ଖେଳିବା ଆଶା ଉଜ୍ଜିବୀତ ହୋଇଛି।
ଏହି ମ୍ୟାଚ୍ରେ ଆରସିବିର ବୋଲର ଏବଂ ବ୍ୟାଟ୍ସମ୍ୟାନ୍ମାନେ ଚମତ୍କାର ପ୍ରଦର୍ଶନ କରିଥିଲେ। ତେବେ ଏହି ମ୍ୟାଚ୍ରେ ଏକ ଅଜବ ଘଟଣା ଦେଖିବାକୁ ମିଳିଥିଲା। ଗୁଜରାଟ ଇନିଂସର ତୃତୀୟ ଓଭରରେ ଶୁଭମାନ ଗିଲ ଆଉଟ୍ ହେବା ପରେ ମାଥ୍ୟୁ ୱେଡ ବ୍ୟାଟିଂ କରିବାକୁ ଆସିଥିଲେ। କିନ୍ତୁ ସେ ଏକ ବଡ ଇନିଂସ ଖେଳିବାରେ ବିଫଳ ହୋଇଥିଲେ। ସେ ମାତ୍ର ୧୩ଟି ବଲରେ ୧୬ ରନ ସ୍କୋର କରିବା ପରେ ପାଭିଲିୟନକୁ ଫେରିଥିଲେ। ଷଷ୍ଠ ଓଭରର ଦ୍ୱିତୀୟ ବଲରେ ମ୍ୟାକ୍ସୱେଲ ୱେଡଙ୍କୁ ଏଲ୍ବିଡବ୍ଲୁ ଆଉଟ୍ କରିଥିଲେ।
ତେବେ ୱେଡ ଫିଲ୍ଡ ଅମ୍ପାୟାରଙ୍କ ନିଷ୍ପତ୍ତିରେ ଖୁସି ନ ଥିଲେ ଏବଂ ଡିଆରଏସ୍ ନେଇଥିଲେ। ଫିଲ୍ଡ ଅମ୍ପାୟାରଙ୍କ ନିଷ୍ପତ୍ତିକୁ ତୃତୀୟ ଅମ୍ପାୟାର ମଧ୍ୟ ସମର୍ଥନ କରିଥିଲେ। ୱେଡ ଅମ୍ପାୟାରଙ୍କ ନିଷ୍ପତ୍ତିରେ ରାଗିଯାଇଥିଲେ। ଡ୍ରେସିଂ ରୁମରେ ପହଞ୍ଚିବା ପରେ ସେ ହେଲମେଟ ଫିଙ୍ଗି ତାଙ୍କ ବ୍ୟାଟରେ କିଛି ଜିତିଷ ଭଙ୍ଗାରୁଜା କରିଥିଲେ। ସୋସିଆଲ ମିଡିଆରେ ଏହାର ଭିଡିଓ ଏବେ ଭାଇରାଲ ହେବାରେ ଲାଗିଛି।
Why Wade is unhappy?😡 #RCBvGT #RCBvGT #GTvsRCB #matthewwade @gujarat_titans @RCBTweets pic.twitter.com/cq0LYUqqiv
— 😊 Hiteshsinh Bhoiraj 😊 (@HiteshsinhBhoi1) May 19, 2022
