ଲଣ୍ଡନ,୮।୭: ପାକିସ୍ତାନ ବିପକ୍ଷ ଦିନିକିଆ ସିରିଜ ପାଇଁ ହଠାତ୍ ଇଂଲଣ୍ଡ ଅଧିନାୟକ ନିଯୁକ୍ତ ହେବାପରେ ବେନ ଷ୍ଟୋକ୍ସ ଆଶ୍ଚର୍ଯ୍ୟ ପ୍ରକଟ କରିଛନ୍ତି। ସେ କହିଛନ୍ତି ଯେ, ସବୁକିଛି ଏତେ ଶୀଘ୍ର ଘଟିଛି ଯେ, ନିଜ ପାଇଁ କେବଳ ତିନି ଦିନର ପୋଷାକ ରଖିବାରେ ସକ୍ଷମ ହୋଇପାରିଥିଲି। ଗୋଟିଏ ଦିନ ପୂର୍ବରୁ, ତିନିଜଣ ଇଂଲଣ୍ଡ ଖେଳାଳି ଏବଂ ୪ ଜଣ ସପୋର୍ଟ ସଦସ୍ୟ କରୋନା ପଜିଟିଭ ହେବା ପରେ ଇସିବି ସମଗ୍ର ଦଳକୁ କ୍ୱାରାଣ୍ଟାଇନ୍ କରିଥିଲା। ଏହା ପରେ ପାକିସ୍ତାନ ବିପକ୍ଷ ସିରିଜ ପାଇଁ ୧୮ ଜଣିଆ ନୂତନ ଦଳ ଘୋଷଣା କରାଯାଇଥିଲା। ପାକିସ୍ତାନ ବିପକ୍ଷ ଦିନିକିଆ ସିରିଜ ପାଇଁ ଷ୍ଟୋକ୍ସ ଇଂଲଣ୍ଡ ଦଳର ଅଂଶ ନଥିଲେ। କିନ୍ତୁ ଜୁଲାଇ ୮ରୁ ସିରିଜରେ ସେ ଦଳର ଅଧିନାୟକ ନଜର ଆସିବେ। ଇଂଲଣ୍ଡ ଏବଂ ପାକିସ୍ତାନ ମଧ୍ୟରେ ଚାଲିଥିବା ଦିନିକିଆ ସିରିଜ ଜୁଲାଇ ୮, ୧୦ ଏବଂ ୧୩ ରେ ଅନୁଷ୍ଠିତ ହେବ । ଏହା ସହିତ ଜୁଲାଇ୧୬, ୧୮ ଏବଂ ୨୦ ରେ ଟି -୨୦ ମ୍ୟାଚ ଖେଳାଯିବ।