ପୂର୍ବତନ କ୍ରିକେଟର ତଥା ପ୍ରସିଦ୍ଧ ସମୀକ୍ଷକ ଆକାଶ ଚୋପ୍ରା ନିଜ ବେପରୁଆ ମନ୍ତବ୍ୟ ପାଇଁ ଜଣାଶୁଣା। ଆଇପିଏଲ ୨୦୨୨ ନିଲାମ ପୂର୍ବରୁ ଆକାଶ ଚୋପ୍ରା ଏକ ବଡ଼ କଥା କହିଛନ୍ତି। ଆକାଶ ଚୋପ୍ରା କହିଛନ୍ତି ଯେ, ଆସନ୍ତା ବର୍ଷର ମେଗା ନିଲାମରେ ଏମଏସ ଧୋନୀ ନିଜେ ଚେନ୍ନାଇ ସୁପର କିଙ୍ଗରେ ରହିବାକୁ ଚାହିଁବେ ନାହିଁ। ଯଦିଓ ଦଳ ତାଙ୍କୁ ରଖିବାକୁ ଚାହେଁ, ତଥାପି ଧୋନୀ କିନ୍ତୁ ଦଳ ସହ ରହିବାକୁ ଚାହିଁବେ ନାହିଁି। ଆକାଶ ଚୋପ୍ରା ତାଙ୍କ ୟୁଟ୍ୟୁବ ଚ୍ୟାନେଲରେ କହିଛନ୍ତି ଯେ ଚେନ୍ନାଇ ସୁପର କିଙ୍ଗ୍ସ ଏମଏସ ଧୋନୀଙ୍କୁ ରିଟେନ ତାଲିକାର ଶୀର୍ଷରେ ରଖିବ। କିନ୍ତୁ ଯଦି ଆପଣ ଧୋନୀଙ୍କୁ ପଚାରନ୍ତି, ତେବେ ସେ ନିଜକୁ କହିବେ ତୁମେ ମୋତେ ଦଳରେ କାହିଁକି ରଖୁଛ? ସେ ଆଗାମୀ ତିନି ବର୍ଷ ଧରି ଦଳ ସହିତ ରହିବେ ନାହିଁ। ସିଏସ୍କେ କାହିଁକି ଏତେ ଟଙ୍କା ଖର୍ଚ୍ଚ କରି ତାଙ୍କୁ ଦଳରେ ନେବାକୁ ଚାହିଁବ। ଆକାଶ ଚୋପ୍ରା ଆହୁରି କହିଛନ୍ତି, ଯଦି କୌଣସି ଖେଳାଳିଙ୍କୁ ନ ରଖିବାର ନିୟମ ଆସେ, ତେବେ ଧୋନୀଙ୍କୁ ନ ରଖିବା ପାଇଁ ସିଏସ୍କେ ସଂପୂର୍ଣ୍ଣ ରାଜି ହେବ।
ଏମଏସ ଧୋନୀଙ୍କ ନେତୃତ୍ୱରେ ଚେନ୍ନାଇ ସୁପର କିଙ୍ଗସ ୩ଟି ଆଇପିଏଲ ଟାଇଟଲ ଜିତିଛି। ଧୋନୀଙ୍କ ପରି ଜଣେ ଅଧିନାୟକ ପାଇବା ଚେନ୍ନାଇ ପକ୍ଷେ ଅସମ୍ଭବ, ଏଭଳି ପରିସ୍ଥିତିରେ ଏହି ଫ୍ରାଞ୍ଚାଇଜ ଧୋନୀଙ୍କୁ ଦଳରେ ନିଶ୍ଚୟ ରଖିବାକୁ ଚାହିଁବ।