ବଲିଉଡ ଅଭିନେତ୍ରୀ ଗୀତା ବସ୍ରା ବର୍ତ୍ତମାନ ଗର୍ଭବତୀ ଅଛନ୍ତି ଏବଂ ଜୁଲାଇ ସୁଦ୍ଧା ତାଙ୍କର ଦ୍ୱିତୀୟ ସନ୍ତାନ ଜନ୍ମ ଦେବେ। ବିବାହ ପରେ ଗୀତା ବଲିଉଡରୁ ବିରତି ନେଇଥିଲେ। ଏହା ପରେ ସେ ପ୍ରଥମ ଝିଅକୁ ଜନ୍ମ ଦେଇଥିଲେ, ସେ ଖୁବ ଶୀଘ୍ର ଦ୍ୱିତୀୟ ସନ୍ତାନ ଜନ୍ମ ଦେବାକୁ ଯାଉଛନ୍ତି। ଏହି ସମୟରେ, ଗୀତା ତାଙ୍କ କ୍ୟାରିୟରର କାହିଁକ ବିରତି ନେଇଥିଲେ ସେ ସମ୍ପର୍କରେ କହିଛନ୍ତି ।
ଏକ ସାକ୍ଷାତକାରରେ ସେ କହିଛନ୍ତି, ’ମୋ ମା’ ଜଣେ କର୍ମଜୀବୀ ମହିଳା ଥିଲେ। ସେ ପୁରା ପରିବାରକୁ ବହୁତ ଭଲ ଭାବରେ ପରିଚାଳନା କରୁଥିଲେ। ମୁଁ ଯାହାବି କିଛି ହୋଇଛି ତାଙ୍କ ପାଇଁ। ମୁଁ ତାଙ୍କଠାରୁ ପ୍ରେରଣା ପାଇଛି। କୌଣସି ମହିଳାମାନେ ସେମାନଙ୍କର ପେସାକୁ ଛାଡିବା ଠିକ୍ ନୁହେଁ।
ସେ ଆହୁରି ମଧ୍ୟ କହିଛନ୍ତି, ମା’ ହେବା ସବୁଠାରୁ ସୁନ୍ଦର ଅନୁଭବ। ମୁଁ ଝିଅ ହିନାୟାଙ୍କ ସହିତ ବିତାଇଥିବା ପ୍ରତ୍ୟେକ ମୁହୂର୍ତ୍ତକୁ ଉପଭୋଗ କରେ। ଏହା ମୋର ବ୍ୟକ୍ତିଗତ ପସନ୍ଦ ଯାହା ମୁଁ କାମ କରିବାକୁ ଚାହେଁ ନାହିଁ ।ମୁଁ ମାତୃତ୍ୱକୁ ବହୁତ ଉପଭୋଗ କରେ ଏବଂ ପ୍ରତ୍ୟେକ ମୂହୁର୍ତ୍ତରେ ଖୁସି ଅଟେ। ମୋର ଝିଅର ପ୍ରଥମ ଚାଲି, ପ୍ରଥମ ହସ ଏବଂ ପ୍ରଥମ କଥା ସବୁ ସୁନ୍ଦର ମୁହୂର୍ତ୍ତକୁ ମୁଁ ହାତଛଡ଼ା କରିବାକୁ ଚାହୁଁ ନ ଥିଲି। ’
ସେ ମଧ୍ୟ ପୁନର୍ବାର କାମକୁ ଫେରିବେ ବୋଲି ମଧ୍ୟ କହିଛନ୍ତି। ସେ କହିଛନ୍ତି, ମୁଁ ଜାଣେ ଯେ କେବଳ ମାତୃତ୍ୱ ଆପଣଙ୍କୁ ପରିଚୟ ଦେବ ନାହିଁ । ଏହା ଏକ ବ୍ୟକ୍ତିଗତ ପସନ୍ଦ। ମୁଁ ପୂର୍ବରୁ ଅଭିନୟକୁ ଉପଭୋଗ କରୁଥିଲି। ପୁନର୍ବାର ମୁଁ କାମ କରିବି ବୋଲି ସେ କହିଛନ୍ତି ।
ତେବେ ବଲିଉଡକୁ ଆସିବା ପୂର୍ବରୁ ଗୀତା ଏକ ଭଲ ମଡେଲ ହୋଇସାରିଛନ୍ତି। ସେ ଫିଲ୍ମ ‘ଦିଲ ଦିୟା ହରେ ଇମ୍ରାନ ହାସମିଙ୍କ ସହ ଡେବ୍ୟୁ କରିଥିଲେ। ଗୀତା ୨୦୧୫ ମସିହାରେ ଟିମ୍ ଇଣ୍ଡିଆର ସ୍ପିନ ବୋଲର ହରଭଜନ ସିଂଙ୍କୁ ବିବାହ କରିଥିଲେ। କୁହାଯାଏ ଯେ, ଦୁହେଁ ପରସ୍ପରକୁ ୩ ବର୍ଷରୁ ଅଧିକ ସମୟ ଡେଟ କରିଥିଲେ।