ଟିମ୍ ଇଣ୍ଡିଆର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କ ସ୍ତ୍ରୀ ତଥା ବଲିଉଡ୍ ଅଭିନେତ୍ରୀ ନତାଶା ଆଜିକାଲି ବେଶ୍ ଚର୍ଚ୍ଚାରେ ରହୁଛନ୍ତି। ନତାଶା ପୁଅ ଅଗସ୍ତ୍ୟର ଫଟୋ ଏବେ ସୋସିଆଲ ମିଡିଆରେ ଶେୟାର କରିଛନ୍ତି। ପୁଅକୁ ମାତ୍ର ୨ ମାସ ହୋଇଛି। ଏହି ଖୁସିରେ ନତାଶା ପୁଅର ଫଟୋ ଶେୟାର କରି ଫ୍ୟାନ୍ମାନଙ୍କୁ ଜଣାଇଛନ୍ତି। ଫଟୋ ଦେଖି ଲୋକେ ମଧ୍ୟ ବିଭିନ୍ନ ପ୍ରତିକ୍ରିୟା ଦେଉଛନ୍ତି। କିଛି ଲୋକ ଅଗସ୍ତ୍ୟ ଅବିକଳ ହାର୍ଦ୍ଦିକଙ୍କ ପରି ହୋଇଥିବା ଲେଖିଛନ୍ତି। କେହି କେହି ଜୁନିଅର ହାର୍ଦ୍ଦିକ ମଧ୍ୟ ଲେଖିଛନ୍ତି।
ହାର୍ଦ୍ଦିକ ଏବଂ ନତାଶାଙ୍କ ପୁଅ ଅଗସ୍ତ୍ୟର ୩୦ ଜୁଲାଇ ୨୦୨୦ରେ ଜନ୍ମ। ହାର୍ଦ୍ଦିକ ଏବେ ୟୁଏଇରେ ଆଇପିଏଲ୍ ଖେଳରେ ବ୍ୟସ୍ତଥିବା ବେଳେ ନତାଶା ସୋସିଆଲ ମିଡିଆରେ ଖୁବ୍ ଆକ୍ଟିଭ। ଅଧିକାଂଶ ସମୟ ପୁଅର ଫଟୋ ଶେୟାର କରି ନତାଶା ପ୍ରଶଂସକଙ୍କ ସହ ଜଡ଼ିତ ହୋଇ ରହୁଛନ୍ତି।
