ଦୁବାଇ,୪।୧୦ : ସୋମବାର ଦୁବାଇରେ ଖେଳାଯିବାକୁ ଥିବା ଦିଲ୍ଲୀ କ୍ୟାପିଟାଲ୍ସ ବିପକ୍ଷ ମ୍ୟାଚ୍ରେ ବଡ଼ ପରିବର୍ତ୍ତନ ସହ ଓହ୍ଲାଇଛି ଚେନ୍ନାଇ ସୁପର କିଙ୍ଗ୍ସ (ସିଏସ୍କେ)। ସିଏସ୍କେ ଦଳର ଅନ୍ୟତମ ପୁରୁଣା ସଦସ୍ୟ ସୁରେଶ ରାଇନାଙ୍କୁ ବାଦ୍ ଦିଆଯାଇଛି। ତାଙ୍କ ବଦଳରେ ସିଏସ୍କେ ପାଇଁ ପଦାର୍ପଣ କରିବାକୁ ଯାଉଛନ୍ତି ରବିନ ଉଥପ୍ପା। ଏହାବାଦ୍ ସାମ କୁରାନ ଓ ମହମ୍ମଦ ଅସିଫଙ୍କ ବଦଳରେ ଡ୍ବେନ ବ୍ରାଭୋ ଓ ଦୀପକ ଚହରଙ୍କୁ ଦଳରେ ସାମିଲ କରାଯାଇଛି। ତେବେ ଦିଲ୍ଲୀ କ୍ୟାପିଟାଲ୍ସ ଅଧିନାୟକ ରିଷଭ ପନ୍ତ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛନ୍ତି।