ନୂଆଦିଲ୍ଲୀ: ବର୍ତ୍ତମାନ ସଙ୍କଟ ଦେଇ ଗତି କରୁଥିବା ପଞ୍ଜାବ ଆଣ୍ଡ ମହାରାଷ୍ଟ୍ର କୋଅପରେଟିଭ(ପିଏମ୍ସି) ବ୍ୟାଙ୍କ ଉପରେ କଟକଣାକୁ ରିଜର୍ଭ ବ୍ୟାଙ୍କ ୨୦୨୧ ମାର୍ଚ୍ଚ ୩୧ ଯାଏ ବଢ଼ାଇଛି। ଏହି କଟକଣା ଆଉ ୩ ମାସ ବଢିଥିବା ଜଣାପଡିଛି। ବ୍ୟାଙ୍କର ପୁନରୁଦ୍ଧାର ଲାଗି ୪ଟି ପ୍ରସ୍ତାବ ଲାଭ କରିଥିବା ପିଏମ୍ସି କହିଛି। ପୂର୍ବରୁ ଏହା ଇକ୍ସପ୍ରେଶନ ଅଫ୍ ଇଣ୍ଟେରେଷ୍ଟ(ଇଓଆଇ) ଆହ୍ବାନ କରିଥିଲା। ଜମାକାରୀଙ୍କ ସ୍ବାର୍ଥକୁ ନଜରରେ ରଖି ପ୍ରସ୍ତାବଗୁଡିକ ଉପରେ ବିଚାର କରାଯିବ ବୋଲି ବ୍ୟାଙ୍କ ପକ୍ଷରୁ ସ୍ପଷ୍ଟ କରାଯାଇଛି। ଏହି ଧାରାକୁ ଆଗକୁ ବଢ଼ାଇବା ଲାଗି ଅଧିକ ସମୟ ଲୋଡ଼ାଯାଇଛି। କେତେକ ଋଣ ଆକାଉଣ୍ଟରେ ଜାଲିଆତି ଦେଖାଯିବାରୁ ରିଜର୍ଭ ବ୍ୟାଙ୍କ ପିଏମ୍ସି ଉପରେ ମୋରାଟୋରିୟମ ଲାଗୁ କରିଥିଲା। ପିଏମ୍ସି ୮ ହଜାର କୋଟି ଟଙ୍କା ଅଗ୍ରିମ ଦେଇଥିବା ବେଳେ କେବଳ ୬ ହଜାର କୋଟି ଟଙ୍କା ଦଓ୍ବୋନ ହାଉସିଂ ଫାଇନାନ୍ସ ଲିମିଟେଡ(ଏଚ୍ଡିଆଇଏଲ୍)କୁ ଦିଆଯାଇଥିବା ସାମ୍ନାକୁ ଆସିଥିଲା। ଏହା ପରଠାରୁ ବ୍ୟାଙ୍କ ବିରୋଧରେ କଟକଣା ଲାଗୁ କରାଯାଇଛି।