ସୋସିଆଲ ମିଡିଆରେ ଅନେକ ମଜାଳିଆ ଭିଡିଓ ଦେଖିବାକୁ ମିଳିଥାଏ। ଆଉ କିଛି ଭିଡିଓ ଆଶ୍ଚର୍ଯ୍ୟ ବି କରିଥାଏ। ଏବେ ସେମିତି ଏକ ଭିଡିଓ ଭାଇରାଲ ହେଉଛି। ଯେଉଁଥିରେ ଏକ ହାତୀ ଜଣେ ଝିଅକୁ ଆଶୀର୍ବାଦ କରୁଥିବା ଦେଖାଯାଉଛି।
ପ୍ରତିଷ୍ଠିତ ବ୍ୟବସାୟୀ ଆନନ୍ଦ ମହିନ୍ଦ୍ରା ସୋସିଆଲ ମିଡିଆରେ ବହୁ ଆକ୍ଟିଭ୍। ବର୍ଷର ଶେଷ ଦିନରେ ସେ ତାଙ୍କ ଟୁଇଟର ପେଜ୍ରେ ଏକ ଭିଡିଓ ଶେୟାର କରିଛନ୍ତି। ଯେଉଁଥିରେ ଶାସ୍ତ୍ରୀୟ ନୃତ୍ୟଶିଳ୍ପୀ ହାତୀ ସାମ୍ନାରେ ନାଚୁଥିବାର ନଜର ଆସିଛନ୍ତି। ଭିଡିଓ ପୋଷ୍ଟ କରି ଆନନ୍ଦ ମହିନ୍ଦ୍ରା ଲେଖିଛନ୍ତି, ଏହି ଚମତ୍କାର ଭିଡିଓ କର୍ଣ୍ଣାଟକର କେଟେଲରେ ଅବସ୍ଥିତ ଦୁର୍ଗାପରମେଶ୍ୱରୀ ମନ୍ଦିରରେ ଅଟେ। ମୋତେ ଲାଗୁଛି ଯେପରି ମନ୍ଦିରର ଏହି ହାତୀ ନୂଆ ବର୍ଷ ଅବସରରେ ସମସ୍ତଙ୍କୁ ଆଶୀର୍ବାଦ ଦେଉଛି।
Sri Durgaaparameshwari temple , Kateel, Karnataka.
Amazing. And I would like to think the Temple Elephant is bestowing a blessing on all of us for a Happier New Year! 😊 pic.twitter.com/s2xdqV8w5D— anand mahindra (@anandmahindra) December 31, 2022
ଭିଡିଓରେ ଝିଅଟି ପଛରେ ଏକ ହାତୀ ଠିଆ ହୋଇଛି। ହାତୀ ନିକଟରେ ଦୁଇ ଜଣ ମାହୁନ୍ତ ବି ଠିଆ ହୋଇଛନ୍ତି। ଝିଅଟି ହାତୀ ସାମ୍ନାରେ ଖୁବ୍ ସୁନ୍ଦର ନାଚୁଛି। ଝିଅଟି ଯେତେବେଳେ ହାତୀ ଆଡକୁ ମୁହଁ କରି ପ୍ରଣାମ କରୁଛି, ସେତେବେଳେ ହାତୀଟିତାଙ୍କ ଝିଅ ମୁଣ୍ଡରେ ଶୁଣ୍ଢ ଲଗାଇ ଆଶୀର୍ବାଦ କରୁଛି।
ଏହି ଭିଡିଓକୁ ୧ ଲକ୍ଷରୁ ଅଧିକ ଭ୍ୟୁ ମିଳିଥିବାବେଳେ ଅନେକ ଲୋକ ମନ୍ତବ୍ୟ ଦେଇଛନ୍ତି। ଜଣେ ୟୁଜର କହିଛନ୍ତି, ଯେତେବେଳେ ଏକ ପ୍ରାଣୀ ଏହିପରି କାର୍ଯ୍ୟ କରେ, ସେତେବେଳେ ଆମେ ବୁଝିବା ଉଚିତ୍ ଯେ, ସେ ଶାରୀରିକ ନିର୍ଯାତନା ଦେଇ ଗତି କରୁଛି। ଆଉ ଜଣେ କହିଛନ୍ତି, ଯଦି ହାତୀ ନିଜେ ଏହା କରିଥାନ୍ତା ତେବେ ଏହା ଅଧିକ ପ୍ରଶଂସାର ବିଷୟ ହୋଇଥାନ୍ତା।
