ରାଇରଙ୍ଗପୁର,୫ା୮(ମାନସ ମହାନ୍ତି): ମୟୂରଭଞ୍ଜ ଜିଲା ରାଇରଙ୍ଗପୁର ଗ୍ରାମାଞ୍ଚଳ ଥାନା ଅନ୍ତର୍ଗତ ଘୁଙ୍ଗୁ ପାହାଡ଼ି ଗ୍ରାମରେ ଶନିବାର ଏକ ଅଭାବନୀୟ ଘଟଣା ଘଟିଯାଇଛି। ଉକ୍ତ ଗ୍ରାମର ଜନୈକ ଯୁବକଙ୍କ ବାସଗୃହ ପଛପଟ ଏକ ଗଛରୁ ଝୁଲନ୍ତା ଅବସ୍ଥାରେ ମୃତ ଯୁବକଙ୍କ ମୃତଦେହକୁ ଶନିବାର ପୋଲିସ ଉଦ୍ଧାର କରିଥିବାର ଜଣାଯାଇଛି। ମୃତ ଯୁବକ ସମା ଖଡ଼ସରା (୩୮) ବୋଲି ଜଣାଯାଇଛି। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତ ସମାଙ୍କ ମୃତଦେହ ଜବତ କରି ରାଇରଙ୍ଗପୁର ହସ୍ପିଟାଲରେ ବ୍ୟବଚ୍ଛେଦ ପରେ ପରିବାରକୁ ହସ୍ତାନ୍ତର କରିଛି। ପୋଲିସ ପକ୍ଷରୁ କେସ୍ ନଂ ୧୨/୨୩ରେ ଏକ ଅପମୃତ୍ୟୁ ମାମଲା ରୁଜୁ କରିଥିବାର ଜଣାଯାଇଛି। ପୋଲିସ ଉକ୍ତ ମାମଲାର ପ୍ରାଥମିକ ତଦନ୍ତରେ ମୃତ ଯୁବକ ସମା ଏବଂ ସ୍ତ୍ରୀ ଉଭୟ ମଧ୍ୟରେ ଘରୋଇ କନ୍ଦଳକୁ ନେଇ ଆତ୍ମହତ୍ୟା କରିଥିବା ତଦନ୍ତକାରୀ ପୋଲିସ ପକ୍ଷରୁ ପ୍ରକାଶ।