ଆର.ଉଦୟଗିରି,୫ା୮(ଡି.ଏନ୍.ଏ.): ଗଜପତି ଜିଲା ଆର.ଉଦୟଗିରି ଆରସି ସାହି ନାଳରୁ ଶୁକ୍ରବାର ଜଣେ ଯୁବକଙ୍କ ମୃତଦେହ ପୋଲିସ ଜବତ କରିଛି। ସେ ହେଲେ ରାମଗିରି ଥାଟରାଜ୍ କଲୋନୀର ସୁଦାମ ରଇତ (୩୦)।
ପ୍ରକାଶ ଯେ, ସୁଦାମ ଓ ତାଙ୍କ ସ୍ତ୍ରୀ କୌଣସି କାମରେ ଆର.ଉଦୟଗିରି ପୋଷ୍ଟ ଅଫିସକୁ ଯାଇଥିଲେ। ସେଠାରୁ ସୁଦାମ ଶୌଚ ହେବାକୁ ଯାଇଥିଲେ। ସ୍ତ୍ରୀ ବହୁ ସମୟ ଅପେକ୍ଷା କରିବା ପରେ ସ୍ବାମୀ ନ ଆସିବା ଯୋଗୁ ସ୍ତ୍ରୀ ଗ୍ରାମକୁ ଚାଲି ଯାଇଥିଲେ। ଘରେ ତାଲା ପଡ଼ିଥିବାରୁ ଗ୍ରାମରେ ଖୋଜାଖୋଜି କରିଥିଲେ। ଗାଧୋଇବାକୁ ଯାଇଥିବା କିଛି ଲୋକ ନାଳରେ ମୃତଦେହ ଭାସୁଥିବା ଦେଖିଥିଲେ। ଏ ନେଇ ଥାନାରେ ଜଣାଇବା ପରେ ଆଇଆଇସି ପ୍ରଶାନ୍ତ ମଲ୍ଲିକ ଏବଂ ଏସଡିପିଓ ଦିଲ୍ଲୀପ କୁମାର ନାୟକ ପହଞ୍ଚତ୍ ତଦନ୍ତ କରିଥିଲେ। ଅଗ୍ନିଶମ ବିଭାଗ ଆସି ମୃତଦେହ ବାହାର କରିଥିଲା। ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପାରଳାଖେମୁଣ୍ଡି ସ୍ବାସ୍ଥ୍ୟକେନ୍ଦ୍ରକୁ ପଠାଇଛି।