ଆଙ୍କାରା,୧୯ା୨: ଭୂକମ୍ପ ପ୍ରଭାବିତ ତୁର୍କୀରେ ଥିବା ଅଳିଆ ଗଦାରୁ ଉଦ୍ଧାରକାରୀ ଦଳମାନେ ଆଜି ମଧ୍ୟ ମୃତଦେହ ଉଦ୍ଧାର କରିଚାଲିଛନ୍ତି। କିଛି ପରିବାର ଆଶା ରଖିଛନ୍ତି, ସେମାନଙ୍କ ପରିବାର ବୋଧେ ଜୀବିତ ଥିବେ ଆଉ ବାହାରକୁ ଆସିବେ। ଅନେକ ଶୋକସନ୍ତପ୍ତ ପରିବାର ସେମାନଙ୍କ ପ୍ରିୟଜନଙ୍କ ମୃତଦେହ ଆବର୍ଜନା ଭିତରୁ ଖୋଜି ଚାଲିଛନ୍ତି। ଭୂକମ୍ପରେ ବର୍ତ୍ତମାନ ସୁଦ୍ଧା ୪୮,୦୦୦ ଲୋକ ପ୍ରାଣ ହରାଇ ସାରିଲେଣି। ମୃତ୍ୟୁସଂଖ୍ୟା ଆହୁରି ବଢ଼ିପାରେ ବୋଲି ଆଶଙ୍କା ପ୍ରକାଶ ପାଇଛି।