ମୁମ୍ବାଇ: ଫିଲ୍ମ ଇଣ୍ଡଷ୍ଟ୍ରିରେ ପ୍ରତିଦିନ ନୂଆ ନୂଆ ଚେହେରା ଦେଖିବାକୁ ମିଳେ। ଏହି ଚେହେରାଗୁଡ଼ିକ ମଧ୍ୟରୁ କିଛି ଅଭିନେତ୍ରୀ ଅଭିନେତା ଦୀର୍ଘ ବର୍ଷ ଧରି ଇଣ୍ଡଷ୍ଟ୍ରିରେ ରାଜ୍ କରିଥାନ୍ତି। ଆଉ କିଛି କଳାକାରଙ୍କର ଗୋଟିଏ ଦୁଇଟି ଫିଲ୍ମ ପରେ ଆଉ ଦେଖା ମିଳେନି। ଆଜି ଏମିତି ଜଣେ ବଲିଉଡ୍ ଅଭିନେତ୍ରୀଙ୍କ ବିଷୟରେ କହିବୁ, ଯିଏ କି ଡେବ୍ୟୁ ଫିଲ୍ମରୁ ହିଁ ବ୍ଲକବଷ୍ଟର ହୋଇଥିଲେ। ଏହି ଅଭିନେତ୍ରୀ ଏବେ ଲାଇମ୍ଲାଇଟ୍ରୁ ଦୂରରେ ଅଛନ୍ତି।
ଏହି ଅଭିନେତ୍ରୀଙ୍କ ନାଁ ଆସୀନ। ସେ ବଲିଉଡ୍ରେ ପାଦ ଦେବା ପୂର୍ବରୁ ତାମିଲ ଏବଂ ତେଲୁଗୁ ଫିଲ୍ମରେ ବେଶ୍ ସଫଳତା ହାସଲ କରିଥିଲେ। ଏହି ଅଭିନେତ୍ରୀ ୨୦୦୮ରେ ଅମୀର ଖାନଙ୍କ ସହ ବିପକ୍ଷରେ ‘ଗଜ୍ନୀ’ ଫିଲ୍ମ ଜରିଆରେ ବଲିଉଡ୍ରେ ଡେବ୍ୟୁ କରିଥିଲେ। ପ୍ରଥମ ବଲିଉଡ୍ ଫିଲ୍ମରେ ହିଁ ଅସୀନ ତାଙ୍କ ଅଭିନୟ ସହିତ ସମସ୍ତଙ୍କ ହୃଦୟ ଜିତିଥିଲେ। ‘ଗଜ୍ନୀ’ ବକ୍ସ ଅଫିସରେ ରେକର୍ଡ ଭାଙ୍ଗିଥିଲା। ଏହି ଫିଲ୍ମ ସେତେବେଳେ ୧୦୦ କୋଟି ଟଙ୍କା ବ୍ୟବସାୟ କରିଥିଲା।
‘ଗଜ୍ନୀ’ର ଅଦ୍ଭୁତପୂର୍ବ ସଫଳତା ସହିତ ଆସୀନ ରାତାରାତି ଷ୍ଟାର୍ ପାଲଟି ଯାଇଥିଲେ। ଏହି ଅଭିନେତ୍ରୀଙ୍କ ପାଖରେ ହିନ୍ଦୀ ଫିଲ୍ମ ପାଇଁ ଏକ ଅଫର ଥିଲା। ଏହା ପରେ ସେ ବହୁ ବଲିଉଡ୍ ଅଭିନେତାଙ୍କ ସହ କାମ କରିଥିଲେ। ଅମୀରଙ୍କ ପରେ ସେ ସଲମାନ ଖାନ, ଅକ୍ଷୟ କୁମାର ଏବଂ ଅଭିଷେକ ବଚ୍ଚନଙ୍କ ପରି ଅଭିନେତାଙ୍କ ସହ ଅନେକ ସୁପରହିଟ୍ ଫିଲ୍ମ ଦେଇଛନ୍ତି।
ଆସୀନ ମାତ୍ର ୧୫ ବର୍ଷ ବୟସରେ ଫିଲ୍ମ ଜଗତରେ ପାଦ ଦେଇଥିଲେ। କେରଳର ଏହି ଅଭିନେତ୍ରୀ ମାଲାୟାଲମ ଫିଲ୍ମରୁ ନିଜ କ୍ୟାରିୟର୍ ଆରମ୍ଭ କରିଥିଲେ। ବଲିଉଡ୍କୁ ଆସିବା ପୂର୍ବରୁ ଆସୀନ ସାଉଥ ଇଣ୍ଡଷ୍ଟ୍ରିରେ ଏକ ଜଣାଶୁଣା ନାଁ ପାଲଟିଥିଲେ। ୨୧୦୬ରେ ସେ ମାଇକୋମାକ୍ସ ସହ ପ୍ରତିଷ୍ଠାତା ରାହୁଲ ଶର୍ମାଙ୍କୁ ବିବାହ କରିଥିଲେ। ଏହା ପରଠୁ ତାଙ୍କୁ ଆଉ କୌଣସି ଫିଲ୍ମରେ ଦେଖିବାକୁ ମିଳିନାହିଁ। ପାରିବାରିକ ଜୀବନରେ ବ୍ୟସ୍ତ ରହି ସବୁଦିନ ପାଇଁ ସେ ଇଣ୍ଡଷ୍ଟ୍ରିରୁ ଦୂରେଇ ଯାଇଛନ୍ତି।