ଛତ୍ରପୁର,୯।୨(ଡି.ଏନ.ଏ) ଗଞ୍ଜାମ ଜିଲାରେ ଟାଟା ଷ୍ଟିଲ୍ ପ୍ରକଳ୍ପ ଠାରୁ ଗୋପାଳପୁର ବନ୍ଦର ପର୍ଯ୍ୟନ୍ତ ଅର୍ଥନୈତିକ କରିଡର ନିର୍ମାଣ ଲାଗି ଆବଶ୍ୟକ ହେଉଥିବା ୨୫.୯୨୨ ଏକର ଜମି ଅଧିଗ୍ରହଣ କରିବାକୁ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି। ମଙ୍ଗଳବାର ରାଜ୍ୟ ରାଜସ୍ବ ଓ ବିପର୍ଯ୍ୟୟ ପରିଚାଳନା ବିଭାଗ ପକ୍ଷରୁ ଗଞ୍ଜାମ ଜିଲାପାଳଙ୍କ ନିକଟକୁ ଚିଠି ଆସିଛି ା ଇଡ୍କୋ ପକ୍ଷରୁ ଏହି ଅର୍ଥନୈତିକ କରିଡର ପ୍ରତିଷ୍ଠା କରାଯିବ ା ଗଞ୍ଜାମ ଜିଲାପାଳଙ୍କ ରିପୋର୍ଟ ଓ ବିଶେଷଜ୍ଞ ଗୋଷ୍ଠୀ ରିପୋର୍ଟକୁ ତର୍ଜମା କରି ସରକାର ଏହି ନିଷ୍ପତ୍ତି ନେଇଛନ୍ତି। ଅର୍ଥନୈତିକ କରିଡର ପାଇଁ ଆବଶ୍ୟକ ୨୫.୯୨୨ ଏକର ଜମି ୨ଟି ଗ୍ରାମରୁ ଅଧିଗ୍ରହଣ ହେବ ା ସେଥିମଧ୍ୟରେ ବଡପୁଟି ଗାଁରୁ ୪.୨୭୦ ଏକର ଜମି ଓ ବାସନାପୁଟି ଗାଁରୁ ୨୧.୬୫୨ ଏକର ଜମି ରହିଛି ା ବଡପୁଟି ଗାଁର ୫ଜଣ ଏବଂ ବାସନାପୁଟି ଗାଁର ୧୯ ଜଣଙ୍କ ଜମି ଅଧିଗ୍ରହଣ ହେବ ା ତେବେ ଏହି ପ୍ରକଳ୍ପ ଦ୍ୱାରା କେହି ବିସ୍ଥାପିତ ହେବେନି ବୋଲି କୁହାଯାଇଛି। ଏଥିସହ ଜମି ହରାଉଥିବା ବ୍ୟକ୍ତି ବିଶେଷଙ୍କର ସର୍ବନିମ୍ନ ପ୍ରତିକୂଳ ପ୍ରଭାବ ଓ ଭିତ୍ତିଭୂମିର ପ୍ରୟୋଗ ନିମମେନ୍ତ ଧ୍ୟାନ ଦିଆଯିବ ବୋଲି ସୂଚନା ମିଳିଛି ା ପୂର୍ବରୁ ଅଧିଗ୍ରହଣ ହୋଇଥିବା ଜମିକୁ ଉପଯୋଗ କରାଯାଇନାହିଁ। ଉକ୍ତ ଗ୍ରାମରେ ଜନଶୁଣାଣି ହୋଇଥିବା ଚିଠିରେ ଉଲ୍ଳେଖ ରହିଛି ା ସୂଚନାଯୋଗ୍ୟ, ଜନଶୁଣାଣି ବେଳେ ପ୍ରକଳ୍ପକୁ ସ୍ଥାନୀୟ ଲୋକେ ବିରୋଧ କରିଥିଲେ ା