ଫୁଲବାଣୀ ଅଫିସ, ୧୬ା୧୧: ମହୁଲରୁ ପ୍ରସ୍ତୁତ ଲଡୁର ଚାହିଦା ବଢ଼ୁଥିବା ତାହା ଅଳ୍ପ କେତେଜଣ ଜାଣିଥିବେ ା ମହୁଲ ଲଡୁ ନାଁ ଶୁଣିବାକୁ ଅଜବ ଲଗୁଥିଲେ ମଧ୍ୟ ଏହା ଆଦିବାସୀମାନଙ୍କ ପ୍ରିୟ ମିଷ୍ଠାନ। ମହୁଲ ଲଡୁକୁ ଆଦିବାସୀମାନେ ପୂଜାପର୍ବାଣୀ, ଭୋଜିଭାତରେ ମଧ୍ୟ ବ୍ୟବହାର କରନ୍ତି। ଏବେ ସ୍ବୟଂ ସହାୟିକା ଗୋଷ୍ଠୀ ଜରିଆରେ ମହୁଲରୁ କିପରି ଲଡୁ ତିଆରି କରାଯାଇ ପାରିବ, ସେଥିପାଇଁ ବ୍ଲକ ଜୀବିକା ମିଶନ ଜରିଆରେ ତାଲିମ ଦିଆଯାଉଛି । ମହୁଲକୁ ଲୋକେ କିଲୋ ପ୍ରତି ଅତିକମ୍ ଦାମ୍ ୨୦/୩୦ ଟଙ୍କାରେ ବିକ୍ରି କରୁଛନ୍ତି। ବର୍ତ୍ତମାନ କିଛି ସ୍ବୟଂ ସହାୟିକା ଗୋଷ୍ଠୀ ମହୁଲ ଲଡୁ ତିଆରି କରି କିଲୋ ପିଛା ୧୫୦ ଟଙ୍କା ପଯର୍ୟନ୍ତ ରୋଜଗାର କରି ପାରୁଛନ୍ତି। ମହୁଲ ଆଦିବାସୀମାନଙ୍କ ପାରମ୍ପରିକ ଖାଦ୍ୟ ଆଦିମ କାଳରୁ ସେମାନେ ମହୁଲରୁ ମଦ ପ୍ରସ୍ତୁତ କରି ଆସୁଛନ୍ତି। ସେହିପରି ମହୁଲ ପିଠା, ଲେଥା ଓ ମହୁଲ ଫଳ ଗରାରୁ ଖାଇବା ତେଲ ଆଦି ହେଉଛି। ମହୁଲରୁ ପ୍ରସ୍ତୁତ ମଦ ପୂଜା ପାର୍ବଣରେ ନିହାତି ଆବଶ୍ୟକ ହୋଇଥାଏ। ବର୍ତ୍ତମାନ ଆଦିବାସୀ ମହିଳାମାନଙ୍କୁ ଆତ୍ମ ନିର୍ଭରଶୀଳ କରାଇବା ଲାଗି ଓଡିଶା ଜୀବିକା ମିଶନ କର୍ମଚାରୀମାନେ ଗାଁ କୁ ଗାଁ ଯାଇ ମହୁଲରୁ ଲଡୁ ପ୍ରସ୍ତୁତି ପ୍ରଣାଳୀ ଶିକ୍ଷା ଦେଉଛନ୍ତି। ଯାହା ଫଳରେ ସେମାନେ ଘରେ ସାଇତି ରଖିଥିବା ମହୁଲରୁ ଲଡୁ ତିଆରି କରି ଲାଭବାନ ହୋଇପାରିବେ। ପ୍ରତିବର୍ଷ ମାର୍ଚ୍ଚରୁ ଏପ୍ରିଲ ମଧ୍ୟରେ ଗଛରେ ମହୁଲ ହୁଏ ା ଏହାକୁ ସଂଗ୍ରହ କରି ଖରାରେ ଭଲ ଭାବରେ ଶୁଖାଇ ଦିଆଯାଏା ଲଡୁ ପ୍ରସ୍ତୁତ ପୂର୍ବରୁ ୪/୫ ଦିନ ପୁଣି ଖରାରେ ମହୁଲକୁ ଶୁୂଖାଯାଏା ଏହାପରେ ପାଖୁଡାକୁ ଭଲ ଭାବେ ଛଡାଇବା ପରେ ଭାଜି ପାଗ କରାଯାଏ । ଭଜା ମହୁଲରେ ରାଶି ଓ ବାଦାମ ମିଶାଇ ଗୁଡରେ ପାଗ କରାଯାଏ । ଯାହା ଅନ୍ୟ ମିଠା ଭଳି ସ୍ବାଦିଷ୍ଟ ଲାଗେ। ମହୁଲ ମିଠା କରି ଭଲ ରୋଜଗାର କରିପାରୁଛୁ । ୧୦ଟି ଲଡୁରେ ଗୋଟିଏ ପ୍ୟାକେଟ କରାଯାଉଛି । ତାହାକୁ ୫୦ ଟଙ୍କାରେ ବିକ୍ରି କରାଯାଉଛି । ଏକ କିଲୋ ମହୁଲରେ ୩୦ଟି ଲଡୁ ତିଆରି ହେଉଛି । ଫୁଲବାଣୀ ବଜାର ସମେତ ଅନ୍ୟସ୍ଥାନରେ ବିକ୍ରି କରୁଛୁ ବୋଲି ମା’ ତାରିଣୀ ସ୍ବୟଂ ସହାୟିକା ଗୋଷ୍ଠି ସଦସ୍ୟ ପଙ୍କଜିନୀ ମଲ୍ଲିକ, ଶାନ୍ତିଲତା କହଁର, ସୁମିତ୍ରା କହଁର ପ୍ରମୁଖ ପ୍ରକାଶ କରିଛନ୍ତି।
ରାକେଶ ରାଉତ