ବଲିଉଡ୍ ମହାନାୟକ ଅମିତାଭ ବଚ୍ଚନ ଏବଂ ପୁଅ ଅଭିଷେକ ବଚ୍ଚନ କରୋନାରେ ଆକ୍ରାନ୍ତ ହୋଇ ଜୁଲାଇ ୧୧ରୁ ମୁମ୍ବାଇସ୍ଥିତ ନାନାବତୀ ହସ୍ପିଟାଲରେ ଚିକିତ୍ସାଧୀନ ଅଛନ୍ତି। ଏଥିରେ ବୋହୂ ଐଶ୍ୱର୍ଯ୍ୟା ରାୟ ବଚ୍ଚନ ଏବଂ ନାତୁଣୀ ଆରାଧ୍ୟା ସୁସ୍ଥ ହୋଇ ଘରକୁ ଫେରିସାରିଛନ୍ତି। ତେବେ ସୋସିଆଲ ମିଡିଆରେ ଅମିତାଭଙ୍କ ପ୍ରଶଂସକମାନେ ତାଙ୍କର ଶୀଘ୍ର ଆରୋଗ୍ୟ କାମନା କରୁଥିବା ବେଳେ ଆଉ କିଛି ଖଳ ପ୍ରବୃତିର ଲୋକ ଦୁର୍ବ୍ୟବହାର କରୁଛନ୍ତି। ନିକଟରେ ଏମିତି କିଛି ଘଟିଥିଲା। କରୋନାରେ ତୁମର ମୃତ୍ୟୁ ଘଟୁ ବୋଲି ଜଣେ ବ୍ୟକ୍ତି ସୋସିଆଲ ମିଡିଆରେ ଅମିତାଭଙ୍କୁ କହିଥିଲେ। ଏହା ପରେ ବିଗ୍ ବି ଉକ୍ତ ଟ୍ରୋଲରଙ୍କର କ୍ଲାସ୍ ନେଇଥିଲେ। ଏବେ ପୁଣି ଥରେ ବିଗ୍ ବି ଆଉ ଏକ ଟୁଇଟ୍କରି ଉକ୍ତ ଟ୍ରୋଲରଙ୍କୁ ଟାର୍ଗେଟ କରିଛନ୍ତି।
ବିଗ୍ ବି ସୋସିଆଲ ମିଡିଆରେ କ୍ରମାଗତ ଭାବରେ ପ୍ରଶଂସକଙ୍କ ସହ ସମ୍ପର୍କରେ ରହିଥାନ୍ତି। ଏବେ ସେ ଟୁଇଟ୍ କରିଛନ୍ତି, ଦୁଃଷ୍ଟମାନଙ୍କ କଥାରେ ଭଦ୍ରଲୋକଙ୍କ ସମ୍ମାନ କମ୍ ହୋଇ ନ ଥାଏ। ପୃଥିବୀ ଧୂଳିରେ ଆବୃତ ଅଳଙ୍କାରର ମୂଲ୍ୟ କେବେ ନଷ୍ଟ ହୋଇ ନ ଥାଏ ବୋଲି ସେ ଲେଖିଛନ୍ତି। ଏହି ଟୁଇଟ୍ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି।
