ଗ୍ଲୋବାଲ ଆଇକନ ପ୍ରିୟଙ୍କା ଚୋପ୍ରା ତାଙ୍କ ପୁସ୍ତକ ଅନ୍ଫିନିଶଡ୍ ପାଇଁ ଆଜିକାଲି ଚର୍ଚ୍ଚାରେ ଅଛନ୍ତି। ପ୍ରିୟଙ୍କା ଚୋପ୍ରା ଏହି ପୁସ୍ତକରେ ତାଙ୍କ ଫିଲ୍ମ କ୍ୟାରିୟର୍ ବିଷୟରେ ଅନେକ ରହସ୍ୟ ପ୍ରକାଶ କରିଛନ୍ତି ଏବଂ ତାଙ୍କ ପ୍ରଶଂସକମାନଙ୍କୁ ତାଙ୍କ ବ୍ୟକ୍ତିଗତ ଜୀବନ ବିଷୟରେ ଅବଗତ କରାଇଛନ୍ତି। ସଂଘର୍ଷର ଦିନରୁ ସଫଳତାର ପାହାଚ ଚଢିବ ପର୍ଯ୍ୟନ୍ତ ପ୍ରିୟଙ୍କା ଚୋପ୍ରା ଏହି ପୁସ୍ତକର ମାଧ୍ୟମରେ ଅନେକ ରହସ୍ୟ ପ୍ରକାଶ କରିଛନ୍ତି। ଏହି ପୁସ୍ତକରେ ସେ ତାଙ୍କର ସର୍ଜରୀ ବିଷୟରେ ମଧ୍ୟ କହିଛନ୍ତି। ଏଥିରେ ସେ ଜଣେ ନିର୍ଦ୍ଦେଶକଙ୍କୁ ମଧ୍ୟ ଉଲ୍ଲେଖ କରିଛନ୍ତି ଯିଏ ତାଙ୍କୁ ଚେହେରା ବଦଳାଇବା ପାଇଁ ପ୍ଲାଷ୍ଟିକ ସର୍ଜରୀ କରିବାକୁ ପରାମର୍ଶ ଦେଇଥିଲେ। ଇଣ୍ଡଷ୍ଟ୍ରିରେ ନୂଆ ଥିବାବେଳେ ପ୍ରିୟଙ୍କା ଜଣେ ଫିଲ୍ମ ପ୍ରଯୋଜକ/ନିର୍ମାତାଙ୍କୁ ଭେଟିଥିଲେ। ଏହି ସମୟରେ ସେ ତାଙ୍କୁ ବୁଲିବା ପାଇଁ କହିଥିଲେ। ସେ ଏଭଳି କାହିଁକି କହୁଛନ୍ତି ପ୍ରିୟଙ୍କା ବୁଝିପାରୁ ନ ଥିଲେ। ନିର୍ଦ୍ଦେଶକ ଜଣଙ୍କ କିଛି ସମୟ ପର୍ଯ୍ୟନ୍ତ ତାଙ୍କ ଆଡକୁ ଚାହିଁ ରହିଥିଲେ। ଏହା ପରେ ସେ ତାଙ୍କୁ ବ୍ରେଷ୍ଟ ସର୍ଜରୀ କରିବାକୁ ପରାମର୍ଶ ଦେଇଥିଲେ। ଜଣେ ସଫଳ ଅଭିନେତ୍ରୀ ହେବାକୁ ହେବାକୁ ହେଲେ ଏସବୁ କରିବାକୁ ପଡିବ ବୋଲି ସେ କହିଥିବା ପ୍ରିୟଙ୍କା ନିଜ ପୁସ୍ତକରେ ଉଲ୍ଲେଖ କରିଛନ୍ତି।