ଢେଙ୍କାନାଳ ଅଫିସ, ୧୫।୮: ଢେଙ୍କାନାଳ ଷ୍ଟାଡିୟମ୍ଠାରେ ଜିଲାସ୍ତରୀୟ ୭୫ତମ ସ୍ବାଧୀନତା ଦିବସ ପାଳିତ ହୋଇଯାଇଛି। ଏଥିରେ ଜିଲାପାଳ ଭୂମେଶ ଚନ୍ଦ୍ର ବେହେରା ମୁଖ୍ୟ ଅତିଥି ଭାବେ ଯୋଗଦେଇ ପତାକା ଉତ୍ତୋଳନ କରିବା ସହିତ ଅଭିବାଦନ ଗ୍ରହଣ କରିଥିଲେ। ଏହି ଅବସରରେ କରୋନା ଯୋଦ୍ଧା, କୃତୀ ପ୍ରତିଯୋଗୀ ଓ ପ୍ରକୃତିପ୍ରେମୀମାନଙ୍କୁ ପୁରସ୍କୃତ କରାଯାଇଥିଲା। ଏସ୍ପି କେ. ଶିବ ସୁବ୍ରମନି, ଏଡିଏମ୍ ଶଶାଙ୍କ ଶେଖର ଦାଶ ପ୍ରମୁଖ ସାମିଲ ଥିବାବେଳେ ପୋଲିସ ବାହିନୀ ଏବଂ ଏସ୍ଏପି ଫାଷ୍ଟ ବାଟାଲିୟନ ଯବାନ ଉପସ୍ଥିତ ଥିଲେ।