ବଲାଙ୍ଗୀର ଅଫିସ,୧୪।୯: ତିନି ଦିନର ଲଗାଣ ବର୍ଷାରେ ବଲାଙ୍ଗୀର ସହରର ବିଭିନ୍ନ ଗାଁର ତଳିଆ ଅଞ୍ଚଳରେ ଜଳମଗ୍ନ ପରିସ୍ଥିତି ସୃଷ୍ଟି ହୋଇଛି। ବିଭିନ୍ନ ଲୋକଙ୍କ ଘର ଭିତରକୁ ପାଣି ପଶି ଆସବାବପତ୍ର ନଷ୍ଟ ହୋଇଛି। ଜିଲାପାଳ ଚଞ୍ଚଳ ରାଣା ମଙ୍ଗଳବାର ତୁଲସୀନଗର ପଡ଼ାର ଜଳପ୍ଲାବିତ ଅଞ୍ଚଳ ପରିଦର୍ଶନ କରିଛନ୍ତି। ତାଙ୍କ ସହ ଡିଆରଡିଏ ପିଡି ସୁଶାନ୍ତ ସିଂ, ପୂର୍ତ୍ତ ବିଭାଗ ନିର୍ବାହୀ ଯନ୍ତ୍ରୀ ନଳିନୀକାନ୍ତ ଦାଶ ପରିଦର୍ଶନ କରିଛନ୍ତି । ବର୍ଷା ପାଣି ନିଷ୍କାସନ ପାଇଁ ସରକାରୀ ଆୟୁର୍ବେଦ କଲେଜର ପାଚେରି ଭଙ୍ଗା ଯାଇଛି। ମାଳପଡା, ବରପାଲିପଡା, ରୁଗୁଡିପଡା, ସତ୍ୟନାରାୟଣପଡା ଓ ଅନ୍ୟ ଅଞ୍ଚଳରେ ଲୋକଙ୍କ ଘର ଭିତରକୁ ପାଣି ପଶି ଯାଇଛି ।