କରୋନା ମହାମାରୀ ସମୟରେ ସମଗ୍ର ବିଶ୍ୱରେ ସ୍ବାସ୍ଥ୍ୟସେବା ଯୋଗାଉଥିବା କର୍ମଚାରୀ ସେମାନଙ୍କର ନିସ୍ବାର୍ଥପର ସେବା ପାଇଁ ପ୍ରକୃତ ହିରୋ ସାଜିଛନ୍ତି। କରୋନା ଭାଇରସ ବିରୋଧରେ ଲଢ଼େଇ ପାଇଁ ଡାକ୍ତରମାନେ ସବୁଠାରୁ ଆଗରେ ଛିଡ଼ା ହୋଇଛନ୍ତି। ଜଣେ ଡାକ୍ତର ପିପିଇ କିଟ୍ ପିନ୍ଧି ନୃତ୍ୟ କରୁଥିବାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ମୁମ୍ବାଇର ଡାକ୍ତର ରିଚା ନୋଗୀ ପିପିଇ କିଟ୍ ପିନ୍ଧି ‘ଷ୍ଟ୍ରିଟ୍ ଡ୍ୟାନ୍ସର ୩ଡି’ ଫିଲ୍ମର ଗୀତ ‘ଗର୍ମୀ’ରେ ନୃତ୍ୟ କରୁଛନ୍ତି। କ୍ୟାପ୍ସନ ଲେଖିଛନ୍ତି, ଏହି ଗରମରେ ରୋଗୀଙ୍କୁ ସେବା କରିବା ସମୟରେ ମଧ୍ୟ ଆମେ ପରିସ୍ଥିତିର ନକରାତ୍ମକତାକୁ ଆମ ପାଖକୁ ଆସିବାକୁ ଦେଇ ନାହୁଁ। ରିଚା ଏହି ଭିଡିଓକୁ ଇନ୍ଷ୍ଟ୍ରାଗ୍ରାମ୍ରେ ଶେୟାର କରିଛନ୍ତି। ଖୁବ୍ କମ୍ ସମୟ ମଧ୍ୟରେ ଏହି ଭିଡିଓକୁ ୪ ଲକ୍ଷରୁ ଊର୍ଦ୍ଧ୍ୱ ଲୋକ ଦେଖିସାରିଲେଣି।
