ବିଶ୍ୱରେ ପ୍ରତି ଜିନିଷ, ଜୀବଜନ୍ତୁକୁ ପ୍ରକୃତି ସୃଷ୍ଟି କରିଛି। ପ୍ରତି ମୁହୂର୍ତ୍ତରେ ପ୍ରକୃତି ନିଜର ରୂପ ରଙ୍ଗ ବି ବଦଳାଇଥାଏ। ମଣିଷ ଏହାକୁ ବୁଝିପାରେ ଏବଂ ଅନ୍ୟ ପାଖରେ ପ୍ରକାଶ କରିପାରେ। ମାତ୍ର ଜୀବଜନ୍ତୁଙ୍କ କଥା କେହି ବୁଝିପାରନ୍ତି ନାହିଁ। ବେଳେବେଳେ ପ୍ରକୃତିର ପରିବେଶ ଏମିତି ବଦଳିଯାଏ ଯେ, ପଶୁପକ୍ଷୀମାନେ ହଇରାଣରେ ପଡ଼ନ୍ତି। ଆମେ ବି ଜାଣି ପାରୁନା ଏହା ଖୁସି କି ଦୁଃଖ।
ଏମିତି ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଭିଡିଓରେ ଖୁବ୍ ବର୍ଷା ହେଉଥିବା ଦେଖିବାକୁ ମିଳିଛି। ଏହି ସମୟରେ ଏକ କୁକୁର ଅଜବ କାର୍ଯ୍ୟ କରୁଥିବା ନଜର ଆସିଛି। ଭିଡିଓ ଦେଖିଲେ ଆପଣ ମଧ୍ୟ ଆଶ୍ଚର୍ଯ୍ୟ ହୋଇଯିବେ। ଆପଣ ଭାବିବେ ବର୍ଷା ଦେଖି କୁକୁର ପାଗଳ ପ୍ରାୟ ହୋଇଯାଇଛି। ଭିଡିଓରେ ଦେଖିବେ ଗୋଟିଏ ଗଛ ତଳେ ଏକ କାର୍ ପାର୍କିଂ ହୋଇଛି। ଏହା ନିକଟରେ ଏକ କଳା ରଙ୍ଗର କୁକୁର ଠିଆ ହୋଇଛି। ବର୍ଷା ହେବାରୁ କୁକୁରଟି ଅଜବ ପ୍ରତିକ୍ରିୟା ଦେଉଛି।
କୁକୁର ଦୁଇଟି ଗୋଡ଼ ଟେକି ବର୍ଷା ବୁନ୍ଦା ଧରିବାକୁ ଚେଷ୍ଟା କରୁଛି। ଏହାକୁ ଧରିବା ପାଇଁ କୁକୁରଟି ଆଡ଼େସାଡ଼େ ଦୌଡୁଛି। ଏହା ଦେଖି କେହି ବି ବୁଝି ପାରୁନାହାନ୍ତି କୁକୁରଟି ପାଗଳ ହୋଇଯାଉଛି ନା ବର୍ଷା ବୁନ୍ଦାକୁ ଉପଭୋଗ କରୁଛି।
ଭିଡିଓଟିକୁ ସୋସିଆଲ ମିଡିଆରେ ସୁଶାନ୍ତ ନନ୍ଦ ଶେୟାର କରିଛନ୍ତି। ୨୬ ଜାନୁୟାରୀରେ ଏହା ଶେୟାର ହୋଇଥିବା ବେଳେ ବର୍ତ୍ତମାନ ସୁଦ୍ଧା ଏହାକୁ ୭୫୦୦ ଲୋକ ଦେଖି ସାରିଲେଣି। ୮୨୬ ଜଣ ଲାଇକ୍ କରିନ୍ତି। ୯୧ ଜଣ ରିଟୁଇଟ୍ କରିଛନ୍ତି। ଅନେକ ୟୁଜର ଭିନ୍ନ ଭିନ୍ନ ପ୍ରତିକ୍ରିୟା ମଧ୍ୟ ଦେଇଛନ୍ତି।