ଦାରିଙ୍ଗବାଡ଼ି,୩ା୧୦(ଡି.ଏନ୍.ଏ.): କନ୍ଧମାଳ ଜିଲା ଦାରିଙ୍ଗବାଡ଼ି ଥାନା ଅନ୍ତର୍ଗତ ଜାତୀୟ ରାଜପଥର ଡଙ୍ଗେରୀ ନିକଟରେ ଇ-କମର୍ସର ବିଭିନ୍ନ ସାମଗ୍ରୀ ବୋଝେଇ ହୋଇଥିବା ଏକ ମିନି ଟ୍ରକ୍ ସୋମବାର ଦୁର୍ଘଟଣାଗ୍ରସ୍ତ ହୋଇଛି। ଏଥିରେ କେହି ଆହତ ହୋଇ ନ ଥିଲେ ମଧ୍ୟ ଇ-କମର୍ସର ବିଭିନ୍ନ ଇଲୋକ୍ଟ୍ରୋନିକ୍ସ ସାମଗ୍ରୀଗୁଡ଼ିକ ନଷ୍ଟ ହୋଇଥାଇପାରେ ବୋଲି ଆଶଙ୍କା କରାଯାଇଛି। ଦୁର୍ଘଟଣା ଖବର ପାଇ ସିମନବାଡ଼ି ଏବଂ କିରିକୁଟି ଅଞ୍ଚଳର ଲୋକ ଆସି ସାହାଯ୍ୟ କରିଥିଲେ।
ପ୍ରକାଶ ଯେ, ଇ-କମର୍ସ ର ଟ୍ରକ ନଂ (ଓଡି୦୨ ଏଜେଡ-୮୩୪୭) ଭବାନୀପାଟଣା ରୁ ଦାରିଙ୍ଗବାଡ଼ି ଅଭିମୁଖେ ଆସୁଥିଲା। ବିପରୀତ ଦିଗରୁ ଏକ ଗାଡ଼ିକୁ ଚାଳକ ସାଇଡ୍ ଦେବା ସମୟରେ ଭାରସାମ୍ୟ ହରାଇ ଟ୍ରକଟି ଓଲଟି ପଡ଼ିଥିବା ଜଣାପଡ଼ିଛି। ଟ୍ରକ୍ଟି ଆଜି ଭୋର୍ ସମୟରେ ଦୁର୍ଘଟଣା ହୋଇଥିଲା। ସକାଳୁ ସ୍ଥାନୀୟ ଲୋକ ପହଞ୍ଚି ଟ୍ରକ୍ରେ ଥିବା ଜିନିଷ ଏଣେ ତେଣେ ପଡ଼ିଥିବା ସାମଗ୍ରୀକୁ ଅନ୍ୟ ଏକ ଟ୍ରକ୍ରେ ଲୋଡ୍ କରିଥିଲେ।