ସୋମବାର ପ୍ରେସ କନଫରେନ୍ସ କରିବେ ଇସି, ଭୋଟ ଗଣନା ସମ୍ପର୍କରେ ଦେଇପାରନ୍ତି ସୂଚନା
02 ନୂଆଦିଲ୍ଲୀ,୨।୬: ଲୋକ ସଭା ନିର୍ବାଚନରେ ଭୋଟ ଦେବା ପରେ ଏବେ ସମସ୍ତଙ୍କ ଫଳାଫଳ ଉପରେ ନଜର ରହିଛି। ଫଳାଫଳଗୁଡିକ ୪ଜୁନ ଅର୍ଥାତ୍ ଆସନ୍ତା ମଙ୍ଗଳବାର ପ୍ରକାଶ ପାଇବ। ଏହାପୂର୍ବରୁ ଏକଜିଟ ପୋଲ ଭାଜପା ସହଯୋଗୀ ଦଳକୁ ୩୫୦ରୁ ଅଧିକ ସିଟ ଦେଇଥିଲା। ସାତୋଟି ପର୍ଯ୍ୟାୟରେ ଦେଶର ୫୪୩ ଲୋକସଭା ଆସନରେ ମତଦାନ ଶେଷ ହୋଇଛି। ଲୋକ ସଭା ନିର୍ବାଚନ ଶେଷ ହେବା ପରେ ନିର୍ବାଚନ ଆୟୋଗ ଆସନ୍ତାକାଲି ଏକ ସାମ୍ବାଦିକ ସମ୍ମିଳନୀ କରିବାକୁ ଯାଉଛନ୍ତି । ସୋମବାର ଦିନ ୧୨ଟା ୩୦ରେ ଏହି ପ୍ରେସ କନଫରେନ୍ସ ଆୟୋଜନ କରାଯାଇଛି। ଗଣମାଧ୍ୟମ ରିପୋର୍ଟ ଅନୁଯାୟୀ, ଲୋକ ସଭା ନିର୍ବାଚନ ପାଇଁ ଭୋଟ ଗଣନା ସମ୍ପର୍କରେ ନିର୍ବାଚନ ଆୟୋଗ ସୂଚନା ଦେଇପାରନ୍ତି।
ଏହାପୂର୍ବରୁ ରବିବାର ଇଣ୍ଡିଆ ମିଳିତ ମଞ୍ଚର ନେତାଙ୍କ ଏକ ପ୍ରତିନିଧୀ ଦଳ ଏବଂ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ନେତୃତ୍ୱରେ ଭାଜପାର ଏକ ପ୍ରତିନିଧୀ ଦଳ ନିର୍ବାଚନ ଆୟୋଗର ବରିଷ୍ଠ ଅଧିକାରୀଙ୍କୁ ଭେଟିଛନ୍ତି। ଉଭୟ ଆୟୋଗଙ୍କ ଠାରୁ ବିଭିନ୍ନ ଦାବି କରିଛନ୍ତି। କେନ୍ଦ୍ର ମନ୍ତ୍ରୀ ପୀୟୁଷ ଗୋୟଲ ଗଣମାଧ୍ୟମରେ କହିଛନ୍ତି, ଆଜି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ନେତୃତ୍ୱରେ ଭାଜପାର ଏକ ପ୍ରତିନିଧି ଦଳ ମୁଖ୍ୟ ନିର୍ବାଚନ କମିଶନର ଏବଂ ନିର୍ବାଚନ କମିଶନରଙ୍କୁ ଭେଟି ୪ଟି ଗୁରୁତ୍ୱପୂର୍ଣ୍ଣ ପଦକ୍ଷେପ ନେବାକୁ ଦାବି କରିଥିଲେ ଏବଂ ଅନୁରୋଧ କରିଥିଲେ। ଭୋଟ ଗଣନା ପ୍ରକ୍ରିୟାରେ ନିୟୋଜିତ ପ୍ରତ୍ୟେକ ଅଧିକାରୀ ନିର୍ଦ୍ଦିଷ୍ଟ ପ୍ରକ୍ରିୟାର ଛୋଟ ଛୋଟ ବିବରଣୀ ସହିତ ସମ୍ପୂର୍ଣ୍ଣ ଭାବରେ ପରିଚିତ ହେବା ଉଚିତ ଏବଂ ସମସ୍ତେ EC ପ୍ରୋଟୋକଲ ସହିତ ରହିବା ଉଚିତ।
ଦ୍ୱିତୀୟତଃ, ଭୋଟ ଗଣିବା ଏବଂ ଫଳାଫଳ ଘୋଷଣା ସମୟରେ ନିର୍ବାଚନ ପ୍ରକ୍ରିୟାର ସୁରକ୍ଷା ନିଶ୍ଚିତ କରିବା।
ତୃତୀୟତଃ, ନିର୍ବାଚନ ପ୍ରକ୍ରିୟାକୁ ଦୁର୍ବଳ କରିବାକୁ ଏବଂ ଦାୟୀ ବ୍ୟକ୍ତିଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ବ୍ୟବସ୍ଥିତ ପ୍ରୟାସର ଜ୍ଞାନ ଗ୍ରହଣ କର।
ଏଥି ସହିତ ଜୁନ ୪ରେ ଲୋକ ସଭା ନିର୍ବାଚନରେ ଦିଆଯାଇଥିବା ଭୋଟ ଗଣନାରେ ସମସ୍ତ ନିର୍ଦ୍ଦେଶାବଳୀ ପାଳନ କରିବାକୁ ଇଣ୍ଡିଆ ଆଲାଇନ୍ସର ପ୍ରତିନିଧୀ ଦଳ ନିର୍ବାଚନ ଆୟୋଗଙ୍କୁ ଅନୁରୋଧ କରିଛନ୍ତି। ଇଭିଏମ ଫଳାଫଳ ଘୋଷଣା ହେବା ପୂର୍ବରୁ ପୋଷ୍ଟାଲ ବାଲାଟର ଫଳାଫଳ ଘୋଷଣା କରିବାକୁ ବିରୋଧୀ ଦଳର ନେତାମାନେ ଅନୁରୋଧ କରିଥିଲେ। ଇଣ୍ଡିଆ ଆଲାଇନ୍ସ ମୋଟ ପାଞ୍ଚଟି ଦାବି ଉପସ୍ଥାପନ କରିଛି।