ଠାକୁରମୁଣ୍ଡା, ୧୦।୪ (ଡି.ଏନ.ଏ.) – ମୟୂରଭଞ୍ଜ ଜିଲା ଠାକୁରମୁଣ୍ଡା ବ୍ଲକ ଅଧୀନ ସାତକୋଶିଆ ପଞ୍ଚାୟତ ଘୁଳୁଘୁଳିଆ ଗ୍ରାମର ଚିଆବେଡ଼ାଠାରେ ଶନିବାର ସାରେ କାଳବୈଶାଖୀ ପ୍ରଭାବ ଦେଖିବାକୁ ମିଳିଛି। ଗ୍ରାମର କେତେକ ଲୋକଙ୍କ ଘର ଛପର ଉଡ଼ିଯାଇଛି। ଚିଆବେଡ଼ାର ନାରଣ ସୋରେନଙ୍କ ଘର ଆଜବେଷ୍ଟସ ସମ୍ପୂର୍ଣ୍ଣ ଉଡ଼ି ଯାଇଥିବା ବେଳେ ଘନଶ୍ୟାମ ସୋରେନ ଓ ବାବୁଲି ମହାକୁଡ଼ଙ୍କ ଖପର, ଟାଇଲ ଛପର ଆଂଶିକ ଉଡ଼ିଯାଇଛି। ସେହିପରି ପବନ ଯୋଗୁ ଜମୁନଣ୍ଡା ଓ ବାଲିଘାଟ ଗ୍ରାମରେ ଗଛ ଡାଳ ଭାଙ୍ଗିଯିବା ସହ ବିଦ୍ୟୁତ୍ ତାର ଛିଣ୍ଡି ପଡ଼ିଛି।